Sparkling House Seafood & Oyster Bar

Open Now

Now Closed

機緣巧合黎到呢間餐廳食晚飯，適逢呢一晚係哈佬喂，食客都好好打扮一返，餐廳既裝修環境同食客既打扮，成個感覺好chill。講返餐廳最重要既食物啦，食左個四重定五重芝士pizza,好有層次既芝士，配合返個批底，批底並唔係好似麵包咁又厚又軟，而係我好鍾意食個種鬆脆感，好好味！另外，食左個軟殼蝦，最失敗係無影相，呢個蝦真係一試難忘，因為可以連埋殼一齊食，食到胡椒既香味，又食到蝦既鮮味。而其他叫左既海鮮都好好味好似焗蠔啊個個海鮮併盤啊都好性價比高。焗蠔，唔會好似一般其他餐廳咁得好細粒而其他配料好多，呢到係大大粒。而個個托托亦好掂，我地一行六人，每人都配給到三四隻，而托托配既炸薯條亦唔會令人失望，好脆！仲有個燒豬鞍，唔會好鞋，切既時候仲有好多肉汁，又係配薯條😋最估唔到既係最後既一個結尾，甜品，呢間餐廳亦做得唔錯，心太軟外脆內軟，亦有流心效果，而甜味又適中。係鬧市中搵到一個裝修環境又靚，又chill ,食物質素又好，而且又唔貴，呢間餐廳真係一個好選擇！