Chateau @ Central (Closed)

呢間餐廳環境好靜好岩情侶。 生蠔雖然價錢唔算平，但係老闆親自揀，味道搭配好有層次。味道較淡既 Oyster Or 適合做開頭，開開味蕾，味道淡口； White pearl 味道明顯重好多，而且甜味好突出，好鍾意呢款；Lambert 個陣礦物質味回甘好重，係最重味既一款。蠔比出面食既更鹹鮮 ，因為店家特登揀唔沖走海水，等食既時候好似係大海即開即食既感覺。法式焗田螺酥盒 ($88)酥皮做得幾酥脆，加上濃郁既醬汁，口螺爽口，整體好食。T骨牛扒 ($468)牛扒勁大塊，份量十足。肉質滑嫩亦有豐富肉汁，水準不俗。秘製鵝肝雜菌意大利麵 ($138)成個醬汁都充滿鵝肝香，因為煮sauce個陣真係加鵝肝入去煮，油香好惹味；加上鵝肝粒同蘑菇，味道好夾。 雖然睇落細細份，但食完好飽肚。