Video
Read full review
2021-08-27
381 views
太耐無去旅行，今日就約埋朋友去錦上路紅磚屋同壁畫村行下，影下相，行到好攰之際竟然發現哩間好有泰國feel既泰菜餐廳，於是就走左入去試下。餐廳有戶外同戶內位置，戶外環境好有特色，夠曬闊落，座位亦舒適。餐廳既食物種類選擇多樣，而我自己每次食泰菜，都一定會叫生菜包同冬陰功😆另外我地仲叫多左幾款食物share👇🥣冬陰公湯 細$95 大$158冬陰公湯酸甜香辣，非常開胃，裏面既材料亦好豐富，有好多隻大蝦，大蝦已經剝好蝦殼，好方便食，另外入面仲有車厘茄、草菇同秀珍菇。🥬辣豬肉碎生菜包 $88生菜新鮮爽甜，辣豬肉碎非常有驚喜！肉碎仍然保留肉汁，味道香辣惹味。🦐花生蝦薄餅 $78餅皮香脆，裏面夾住好多花生碎，下面仲有一層蝦肉，口感非常豐富，會配埋甜酸醬，特別岩鍾意食香口野既人。🐑黃咖喱羊扒 $138有4大件羊架，非常抵食！羊架一啲都唔羶，肉質軟腍，黃咖喱帶有香濃既椰汁味，唔算太辣得黎亦非常惹味，我地仲叫左個薄餅配埋咖喱一齊食，薄餅酥脆，薄餅配咖喱哩個組合真係冇得輸👍🏻🍹珍多冰 $30椰奶味香濃，入面仲有好多配料，包括大樹菠蘿、椰肉同「珍多」，珍多即係用糯米粉製作，再用斑蘭葉染色既綠色粉條，質感爽滑，味
餐廳有戶外同戶內位置，戶外環境好有特色，夠曬闊落，座位亦舒適。
餐廳既食物種類選擇多樣，而我自己每次食泰菜，都一定會叫生菜包同冬陰功😆另外我地仲叫多左幾款食物share👇
🥣冬陰公湯 細$95 大$158
冬陰公湯酸甜香辣，非常開胃，裏面既材料亦好豐富，有好多隻大蝦，大蝦已經剝好蝦殼，好方便食，另外入面仲有車厘茄、草菇同秀珍菇。
🥬辣豬肉碎生菜包 $88
生菜新鮮爽甜，辣豬肉碎非常有驚喜！肉碎仍然保留肉汁，味道香辣惹味。
🦐花生蝦薄餅 $78
餅皮香脆，裏面夾住好多花生碎，下面仲有一層蝦肉，口感非常豐富，會配埋甜酸醬，特別岩鍾意食香口野既人。
🐑黃咖喱羊扒 $138
有4大件羊架，非常抵食！羊架一啲都唔羶，肉質軟腍，黃咖喱帶有香濃既椰汁味，唔算太辣得黎亦非常惹味，我地仲叫左個薄餅配埋咖喱一齊食，薄餅酥脆，薄餅配咖喱哩個組合真係冇得輸👍🏻
🍹珍多冰 $30
椰奶味香濃，入面仲有好多配料，包括大樹菠蘿、椰肉同「珍多」，珍多即係用糯米粉製作，再用斑蘭葉染色既綠色粉條，質感爽滑，味道清甜，每飲一啖都有滿滿既配料。
🥭芒果糯米飯 $65
糯米軟綿，食落煙韌有咬口，上面除左淋上香甜既椰汁外，亦灑上綠豆邊，綠豆邊煮完再焗，食落脆脆地，芒果份量多，亦香甜無渣，超好味推介👍🏻
整體黎講，餐廳既食物味道真係唔錯，環境亦好有去左泰國旅行既感覺，思鄉病發作又鍾意食泰國嘢既朋友可以去試下。
🌟溫馨提示🌟
餐廳逢星期三休息，記得唔好摸門釘啊！
Post
