泰巷 (Closed)

食過幾次下午茶，價錢同環境都唔錯，坐得舒服。上星期再光臨，叫了豬頸肉清湯米粉+泰式春卷，熱檸水。豬頸肉清湯米粉，豬頸肉好食易咬，清湯底亦不失色，唔會好淡，夾米粉好食。泰式春卷，咬了一口，凍冰冰的，似係雪櫃拎出黎，我非常猶疑地問侍應，春卷係熱定凍架？侍應回是炸的，然後我說但是我呢份春卷係凍嘅。侍應立即收起那份凍春卷，重上了一份熱辣辣的。原本期望吃個簡單正常下午茶，想不到一間大餐廳會犯下如此低級的錯誤。廚師到底在忙什麼呢？食物未處理好便上枱。而且當日是閒日，店內亦沒有坐滿令我很失望的一次下午茶…