花月宮

Open Now

Now Closed

今日難得平日放假，拖左阿媽去飲個茶，坐左幾個站入左屯門呢間酒樓到食個點心飲啖茶。餐廳環境都幾靚幾舒服，感覺係優雅，唔似普通酒樓d座位咁開放，呢到有得坐係d卡位到會比較舒服茗茶 $8/位$8位茶錢算係唔貴。山竹牛肉球 $26牛肉球幾大粒，d醋係分開上唔會一下就幫你淋埋落去。牛肉球彈牙嘅，味道唔會太鹹。流沙奶黃包 $26個包放左段時間都仲係熱幾好啊，d奶黃都仲係保持到流出黎。個包幾軟身幾鬆軟，望落都高貴。鮮蝦炸雲吞 $263粒大粒嘅炸雲吞，入面個餡有隻蝦身都大隻。個皮炸得脆身，唔太油同膩。沾埋個酸甜汁一齊食好食啊。鳳爪排骨飯 $33個飯飯量都多，夠兩個人食。味道唔會太過濃，鳳爪同排骨都好夠稔身，唔會太過肥膩。飯身都幾香，仲要索晒d排骨嘅油香。小總結一下：想飲個茶食點心坐得舒服呢間係其中之選，價錢都親民。不過對比其他舊式酒樓呢到會比較少點心選擇。