阿爺燒鵝餐室 (Closed)

老公最愛食燒鵝，平日買個例牌都話唔夠食，今日去東區睇醫生，本想揸車去天后一間食開的店舖外買燒鵝，但又想去太安樓掃街，所以最後鎖定呢間位於西灣河，頗有名氣的燒鵝店。十二點幾，嚟用餐嘅人唔少，買外賣都要排隊，買咗半隻燒鵝盛200蚊， 膠盒角有剪開，燒鵝汁另外有紙杯裝起，等d鵝肉番到屋企時唔會醃到好咸，酸梅醬亦是外賣裝。番到屋企打開，淋上汁就食得。阿爺燒鵝賣相靚，肥瘦均勻，鵝皮保持到香脆，一咬有肉汁標出最重要係價錢實惠，200蚊有半隻，等拎時見堂食的食客的碟頭飯都幾大堆餸，價錢又唔貴，下次經開可以再買