閨•家 (美基樓) (Closed)

平時好多人排隊，我大概夜晚九點幾去到，冇人排隊可以walk in直入。餐廳裝修似甜品店，幾光猛。不過其實間鋪好迫，枱同枱之間距離好近，唔係坐得幾舒服。嘢食質素唔錯，啲湯都好飲，都值呢個價錢。不過間鋪嘅服務真係有好多改善嘅地方，客人食緊野， Staff不斷係側邊度拆箱，喺度執外賣餐具外賣碗碟，拆箱好污糟，係咁將啲塵揚過黎，其實仲有半個鐘就停堂食，建議佢哋將呢d野係冇堂食客人嘅時候先做。成間野得後生仔女做嘢，staff大大聲聲係度傾偈嘻嘻哈哈，佢哋傾偈仲大聲過啲客🤔今次嘅體驗比較差，雖然幾好食，但如果下次仲想食一定唔會再堂食。