Video
Read full review
2016-04-28
399 views
在尖沙咀附近返工，約左3個朋友食飯。睇食評呢度好似幾好，就約左係度食夜晚。set dinner 唔係飲湯就食沙律。我地4個女仔都叫左沙律。個沙律汁好食，但我唔記得左個名。個啲雞肉係方型，好有嚼口。仲有個醋好正，唔會好酸，有少少甜。質地好得意，係傑傑地嘅汁。我同朋友A叫左食咖哩牛肋骨配南亞薄餅，佢配白飯。另外兩個朋友就食炆羊肉配紅米飯。我試左少少羊肉，個味都Ok，但羊好羶... 有啲失望。食返自己個咖哩牛，如果辣返少少更好，幾惹味，味道偏濃，啲薯仔好焾，好好食。個餐旁邊有啲配菜，好開胃，蘆筍好窈窕，食落好脆，幾鮮甜。本來好期待個薄餅，但佢好油，好薄，用叉吉唔到... 有啲麻煩。餐飲揀左果茶，因為得兩款揀，冇理由揀汽水，唔通加20/30元飲特飲咩... 有個朋友飲黑苺藍苺，其他都飲無花果布冧，我地分黎飲，試下味。3個朋友都喜歡苺茶，我本身都唔太好苺茶，所以我覺得無花果布冧好飲啲，服務生都話布冧多人揀。之後終於食甜品啦～ 未食主菜我地已經諗定食咩甜品。我地叫左3款甜品：芒果綿綿冰配Movenpick 士多啤梨雪糕。綠茶窩夫配Movenpick 朱古力雪糕芒果底。雜果拿破崙。最先解決綿綿冰，因
set dinner 唔係飲湯就食沙律。我地4個女仔都叫左沙律。個沙律汁好食，但我唔記得左個名。個啲雞肉係方型，好有嚼口。仲有個醋好正，唔會好酸，有少少甜。質地好得意，係傑傑地嘅汁。
我同朋友A叫左食咖哩牛肋骨配南亞薄餅，佢配白飯。另外兩個朋友就食炆羊肉配紅米飯。
我試左少少羊肉，個味都Ok，但羊好羶... 有啲失望。
食返自己個咖哩牛，如果辣返少少更好，幾惹味，味道偏濃，啲薯仔好焾，好好食。個餐旁邊有啲配菜，好開胃，蘆筍好窈窕，食落好脆，幾鮮甜。本來好期待個薄餅，但佢好油，好薄，用叉吉唔到... 有啲麻煩。
餐飲揀左果茶，因為得兩款揀，冇理由揀汽水，唔通加20/30元飲特飲咩... 有個朋友飲黑苺藍苺，其他都飲無花果布冧，我地分黎飲，試下味。3個朋友都喜歡苺茶，我本身都唔太好苺茶，所以我覺得無花果布冧好飲啲，服務生都話布冧多人揀。
之後終於食甜品啦～ 未食主菜我地已經諗定食咩甜品。
我地叫左3款甜品：芒果綿綿冰配Movenpick 士多啤梨雪糕。綠茶窩夫配Movenpick 朱古力雪糕芒果底。雜果拿破崙。
最先解決綿綿冰，因為驚佢溶。好大份，味道不錯。不過不失。
之後食窩夫，唔知係咪我食個啲窩夫太難食，我覺得佢個窩夫係外脆內軟，食落完全唔覺得濟。我之前個啲，好似食緊饅頭咁。所以佢改變左我對窩夫甜品嘅睇法。正。
最後，個拿破崙真係好考功夫，因為要切4份。對笨手笨腳的我來說不容易。餅好脆，好容易切，齊輯輯切到4份。好有成功感。吉士唔膩，好滑。
唔洗講都知Movenpick雪糕有品質保證。
果然甜品才是主菜。價錢與食物質素相符。
最後要講下服務態度，幾好，態度好nice。我地問左啲奇怪問題，回應得幾友善。仲叫我地填問卷，希望佢地保持呢個服務態度同甜品水準，可以的話，提升返少少食物質素就更好了。
我地係個度坐左兩粒幾鐘先走，幾愉快的一個晚上。
8 views
0 likes
0 comments
Post
