哈妃 (Closed)

夜晚成班frd喺朋友屋企打完邊爐就齊齊落街食甜品，成條電器街啲甜品都好爆場，跟住行過幾條街見到哈妃有位，而且啲甜品好靚就入去食。蛋黃楊支金露，蛋黃同蛋白係用咗分子料理整，蛋黃係芒果汁，蛋白係椰汁，食法係將蛋黃吉爆再加埋旁邊的芒果汁攪拌後一齊食!芒果汁奶味比較重，芒果用上西班牙芒所以甜中帶微酸，整體味道唔錯，如果奶味無咁重會好啲（定係我落少啲芒果汁會好啲呢?）蘑菇芝士蛋糕，造型可愛，有蜜蜂，有樹葉，整到成個黑森林咁，開頭我以為蘑菇係cream，原來係棉花糖，芝士味濃，但又唔漏，而且食到底會有生果，所以一點都唔膩。斑蘭蛋糕，味道就是平時食果啲斑蘭蛋糕味道，但蛋糕質地比較結實，而斑蘭雪糕就第一次食，因為唔係度度都有，味道有清新斑蘭味，但奶味重啲，而且仲有好多時令新鮮生果伴碟，有晴王青提，有7彩奇異果（第一次食，同普通奇異果味道唔同），新鮮好味又健康。迷你雪糕漢堡，有草莓，呍呢嗱，朱古力3款雪糕，味道似puff，伴碟有熱辣辣嘅南瓜條，質地煙韌似煎堆，而且仲可以點士多啤梨汁，點汁又是另一種味道，點唔點汁都好好味!而且一坐低就附送花茶（桂花綠茶），食完甜品可以清清口腔。整體甜品味道唔錯，造型精緻，