Video
Read full review
2023-05-02
1049 views
📌 燒肉男 - 將軍澳唐德街9號將軍澳中心1樓135號舖🗓(1/5) 星期一 ⏰ 中午12點左右 💈特式：約左幾個朋友入將軍澳踩單車，諗住先食飽飽燒肉再去做運動，上網做左功課見到將軍澳中心有間開左無耐嘅燒肉店，另外佢仲有間分店係屯門，不過兩間評價都係好壞參半，勝左佢地lunch時段做緊買一送一，所以都可以去試下。🥩🍔🌭🌮🥗🥯🥘🍲🍝🍣🥟🍤🍱食物：佢地餐廳有分A - E 5個不同級數嘅餐可以揀，但如果買一送一優惠就只限選擇Set C 或 D，而且仲要4點前入座，優惠後就係$274 同$374再加正價加一，其實兩個餐連埋加一都相差$120，而家等我同大家講下🥩嘅味道先。尚 Set C $274 - 呢個set佢地標明有成122款食物可供選擇，我就無仔細去數過。牛肉 - 一開始佢地會比一個9宮格嘅牛肉，份量就每人一片，當中得牛舌/牛頸脊/澳洲M6和牛比較好，但再加單時就明顯比第一次已經差左，只有牛舌可以keep到個水準。海鮮 - 海鮮都有幾款選擇，例如帆立貝/蠔/虎蝦/蜆，當中最好就係虎蝦同蠔，但最大問題係d蠔上枱仲係急凍狀態，如等佢解凍都需要一段時間。前菜 - 前菜我地就每款都有試
🗓(1/5) 星期一 ⏰ 中午12點左右
💈特式：約左幾個朋友入將軍澳踩單車，諗住先食飽飽燒肉再去做運動，上網做左功課見到將軍澳中心有間開左無耐嘅燒肉店，另外佢仲有間分店係屯門，不過兩間評價都係好壞參半，勝左佢地lunch時段做緊買一送一，所以都可以去試下。
🥩🍔🌭🌮🥗🥯🥘🍲🍝🍣🥟🍤🍱
食物：佢地餐廳有分A - E 5個不同級數嘅餐可以揀，但如果買一送一優惠就只限選擇Set C 或 D，而且仲要4點前入座，優惠後就係$274 同$374再加正價加一，其實兩個餐連埋加一都相差$120，而家等我同大家講下🥩嘅味道先。
尚 Set C $274 - 呢個set佢地標明有成122款食物可供選擇，我就無仔細去數過。
牛肉 - 一開始佢地會比一個9宮格嘅牛肉，份量就每人一片，當中得牛舌/牛頸脊/澳洲M6和牛比較好，但再加單時就明顯比第一次已經差左，只有牛舌可以keep到個水準。
海鮮 - 海鮮都有幾款選擇，例如帆立貝/蠔/虎蝦/蜆，當中最好就係虎蝦同蠔，但最大問題係d蠔上枱仲係急凍狀態，如等佢解凍都需要一段時間。
前菜 - 前菜我地就每款都有試，真係款款都好出色好好食，例如個海蜇牛舌/帶子裙邊/海螺漬物都比一般日式放題店更好，對比起仲出色過餐廳主打嘅燒肉。
熟食 - 平時我就唔會叫熟食，但因為等d蠔解凍需時，所以就叫左幾款熟食試試，質素都唔差，我就試左南蠻炸雞/雞軟骨棒餃子/糖心蛋/吉列蟹鉗/蜆肉味噌湯，幾款都係合格以上水準。
甜品 - 我可以肯定，佢地嘅甜品係做得最好嘅一環，尤其是佢地個牛角窩夫，我地一行4人起碼食左佢10件有多，仲有佢地其他甜品同雪榚都做到酒店嘅級數，完全無諗過一間燒肉店可以提供到咁高水準嘅甜品。
☕️🍵🥤🧋🍺🍷🥃🍹🧉🍾🍶🥛
飲品 : 飲品係自助形式，自行去雪櫃揀選，有冷泡茶，普通罐裝汽水/茶及紙包飲品，啤酒/清酒，仲有咖啡機，種類都幾多。
🍽環境：餐廳環境就係一般燒肉放題店格局，抽氣都做得唔錯，唔會覺得餐廳有油煙味，個爐火力都正正常常，不過個燒烤網就係用薄身個隻，痴肉得嚟又成日轉嚟轉去，好唔方便。
🤵🏻🤵🏻♀️🤵🏻♂️服務：店員服務就做得唔錯，上菜速度快，無漏單，收碟亦好爽手，需要佢提供服務時都好快幫到手，亦會自動幫手換燒烤網。
💰💸價錢：而家買一送一為返每個人大約$330，係比出面嘅燒肉放題店平少少，但如果無左買一送一就唔抵食，坊間仲有好多更好嘅選擇。
🐲💬總結：如果佢仲有做買一送一，我會因為佢嘅前菜/熟食/甜品再去幫襯，但佢兩間分店都唔算就腳，所以就應該唔會特登去。
推薦指數：❤️❤️❤️❤️🤍
39 views
0 likes
0 comments
28 views
0 likes
0 comments
31 views
0 likes
0 comments
34 views
0 likes
0 comments
Post
