Video
Read full review
2020-10-15
384 views
呢日約咗個朋友喺MOKO食晏，佢帶咗我去想試多時嘅「The Pantry & Chips Republic」。喺商場同層遠處已經見到好大個廣告指示，因此餐廳唔難搵✌🏻。入到去先發現餐廳面積原來唔係想像中咁大，因為個商場超級大，所以有少少反差感哈哈。環境好舒服，座位闊落，之但係真係好滿座(估唔到平日Lunch Time都咁誇張！)，Full House時有啲嘈🙉，哈哈。我知餐廳出名食班戟，不過原來都有賣好多鹹食，仲有Lunch Menu添。價錢大約百中等一位，就咁睇唔算平，但食完我可以肯定講佢值呢個價😜，加上喺大商場嘛，舖租實貴...。Daily Soup是日餐湯及Salad沙律，我哋各要咗一份，餐湯係南瓜湯🎃，幾Creamy唔錯。🥗沙律近似凱撒沙律，冇落醋汁啱晒我口味，而且我鍾意佢加咗蘋果粒同麵包糠脆脆。Spicy Sunshine Burger & Chips($125)，我冇諗過呢度嘅出品仲好食過漢堡包店😍，認真的呢。漢堡包無論造型定食材用料都好高質，齋睇塊燶邊嘅菠蘿已經好吸引。漢堡包高度啱啱好，撳扁少少可以一次過食晒咁多層🍔，麵包算幾鬆軟。漢堡包餡料包括🐮安格斯牛肉漢堡扒、🍍菠蘿
入到去先發現餐廳面積原來唔係想像中咁大，因為個商場超級大，所以有少少反差感哈哈。環境好舒服，座位闊落，之但係真係好滿座(估唔到平日Lunch Time都咁誇張！)，Full House時有啲嘈🙉，哈哈。
我知餐廳出名食班戟，不過原來都有賣好多鹹食，仲有Lunch Menu添。價錢大約百中等一位，就咁睇唔算平，但食完我可以肯定講佢值呢個價😜，加上喺大商場嘛，舖租實貴...。
Daily Soup是日餐湯及Salad沙律，我哋各要咗一份，餐湯係南瓜湯🎃，幾Creamy唔錯。🥗沙律近似凱撒沙律，冇落醋汁啱晒我口味，而且我鍾意佢加咗蘋果粒同麵包糠脆脆。
Spicy Sunshine Burger & Chips
$125
21 views
1 likes
0 comments
漢堡包餡料包括🐮安格斯牛肉漢堡扒、🍍菠蘿、🇲🇽墨西哥辣椒、🧀車打芝士、🍅蕃茄同生菜。漢堡包最特別在於個醬汁，因為辣辣哋好惹味，加埋菠蘿就變得有啲夏威夷風情。啡綠色嘅辣椒好辣🌶️，自行判斷挑唔挑走去⚠️。牛肉漢堡扒亦好好食😋，牛味濃郁，而且相當Juicy。
搭配嘅炸薯條🍟亦都唔錯，首要係熱辣辣新鮮炸起，所以齋點茄汁已經食到舔舔脷。
Seafood Linguine
$138
26 views
0 likes
0 comments
餐廳出手唔吝嗇，海鮮有🦐蝦肉、🦑魷魚、青口同帶子仔等，最重要係每樣海鮮都好新鮮，唔係雪藏貨雪到冇晒味道，咁先至唔會做壞招牌㗎嘛！
龍蝦汁扁意粉本身都好好味，扁意粉口感冇得輸，非常彈牙做到Al Dente嘅效果👍。龍蝦汁雖然冇龍蝦湯咁濃郁，不過用來做意粉掛汁都已經好足夠。
Tiramisu Pancake
$112
16 views
0 likes
0 comments
甜品擺盤超靚💕，用朱古力醬畫碟，加埋士多啤梨同藍莓點綴，尤如藝術品一樣。兩塊Ricotta厚班戟疊埋一齊，上面淋上提拉米蘇醬，再落埋燕麥松子仁就完成。旁邊係咖啡糖漿☕️，食客可以自行決定落幾多，個人認為糖漿唔太甜兼且同班戟好夾，落多啲都無拘。厚班戟口感超超超鬆化，好綿好Fluffy，但絕對唔係蛋白未熟濕笠笠嘅感覺，食完都唔會飽滯住。作為提拉米蘇專員嘅我，覺得佢嘅Tiramisu醬亦好出色，有軟芝士嘅元素。
Vanilla Milkshake及Chocolate Milkshake🥛(原價$49, 跟餐+$25)，餐廳亦都出名飲奶昔，跟午餐可以以優惠價加配，不過就只係得三款口味揀。比較特別嘅朱古力香蕉花生醬、焦糖脆脆、百利咖啡忌廉甜酒等冇得嗌，就算補錢都唔得，一定要比原價。諗落有點可惜，但基於錢嘅份上就算啦，無理由唔嗌平啲。奶昔甜甜的好飲，不過留意番飲完會幾飽下🤰。
我今餐食嘅所有食物質素都非常好，除此以外，我亦好滿意整體嘅用餐體驗。一開始入座嘅時候見咁多人，我有啲驚出餐會好慢，始終都趕時間。不過事實上餐廳嘅上菜速度控制得好好，落完單冇耐沙律同湯就好快送上；當食完前菜不久，主菜亦會出現。店員們服務專業，主動提供小碟方便我哋Share食，而且亦對餐牌熟悉。可能有人會覺得上述係基本嘢，但佢能夠喺繁忙嘅午市期間做到確係抵讚💯。
題外話，餐廳門口有個位置專做外賣訂單🥡。
總括嚟講，餐廳有好嘅聲譽絕對唔係浪得虛名⭐️，皆因佢各方面都做得好好，冇乜可挑剔嘅地方。當然佢定價真係唔平，但幫襯完我又覺得佢標呢個價都好合理呢！我一定會再幫襯，希望佢可以喺其他地方開分店啦😉。最後，詳細餐牌已上載以供大家參考🙏🏻。
Post
