泰.夯蝦 (諾士佛臺) (Closed)

喺香港都食到流水蝦，淨係噱頭已經令人好想去食。尋晚同屋企人去食咗呢個流水蝦BBQ放題，到今日都仲回味緊😋先講環境，地方大小中規中矩，亦唔係張張枱都有自己嘅蝦缸。無蝦缸枱嘅食客有需要攞冰桶去蝦缸度自己揀蝦。我自己覺得還好，放題形式食下行下可以幫助消化。而啲蝦必須喺煮之前擺落冰水度凍暈佢哋，否則一上爐佢哋會彈嚟彈去。流水蝦嘅新鮮蝦當然好新鮮，爆膏之餘有啲蝦仲有蝦子！其他放題嘢食有多春魚，豬頸肉，咖喱魚柳，蜆，螺，等等。亦有泰式香口小食同甜品供應。一定要食佢哋個榴槤雪糕，榴槤味超濃！另外加錢有得配和牛片同即開椰青，泰式風味十足。