Video
Read full review
2013-07-24
5137 views
當日我地BOOK左7:30PM, 準時入到去果個爐已經有2枱客, 我地被安排坐側邊, 冇計啦, 唔夠人早到... 我估大部份人去係叫SET既, 2人餐有3款SET 揀, 我地揀左"熊本"二人前套餐, 主打鵝肝, 澳洲和牛薄切, 鮑魚果款, $638/位 + 10%其他食物就同其餘2個SET 一樣的... 頭盤 - 季節沙律 , 正常野, 有半粒仔甜薯飛魚子鵝肝蒸蛋 - 响個餐入面係冇架, 不過應該係入座就有得送既, 入面有魚子有鵝肝, 熱辣辣咁食, D 蛋又好滑, 正呀! 不過同其他食評照相比, 我覺得我地D 魚子少人地好多咁既... 原隻鮮活鮑魚 - 見到隻鮑魚郁郁下咁, 其實都几殘忍, 我睇到有D 打冷震, 直到鮑魚上碟之前都冇再望喇, 我地有聽師傅建議, 唔落調味料, 好好好好好味, 好鮮, 好彈牙!! 活伊勢龍虾 - 雖然隻龍虾都有郁, 但我估係反射神經, 同埋拆左肉之後冇咁恐佈. 見師傅用番龍虾頭D膏黎做番個汁落D 龍虾肉度, 好好食呀, 師傅又係話唔洗再加調味, 好鮮甜, 彈牙到不得了! 這是燒龍虾時既精彩片段, 好勁呀! 師傅仲話影唔到可以黎多次添! 雖然唔記得個師傅叫咩
我估大部份人去係叫SET既, 2人餐有3款SET 揀,
我地揀左"熊本"二人前套餐, 主打鵝肝, 澳洲和牛薄切, 鮑魚果款, $638/位 + 10%
其他食物就同其餘2個SET 一樣的...
頭盤 - 季節沙律 , 正常野, 有半粒仔甜薯飛魚子鵝肝蒸蛋 - 响個餐入面係冇架, 不過應該係入座就有得送既, 入面有魚子有鵝肝, 熱辣辣咁食, D 蛋又好滑, 正呀! 不過同其他食評照相比, 我覺得我地D 魚子少人地好多咁既...
原隻鮮活鮑魚 - 見到隻鮑魚郁郁下咁, 其實都几殘忍, 我睇到有D 打冷震, 直到鮑魚上碟之前都冇再望喇, 我地有聽師傅建議, 唔落調味料, 好好好好好味, 好鮮, 好彈牙!!
活伊勢龍虾 - 雖然隻龍虾都有郁, 但我估係反射神經, 同埋拆左肉之後冇咁恐佈. 見師傅用番龍虾頭D膏黎做番個汁落D 龍虾肉度, 好好食呀, 師傅又係話唔洗再加調味, 好鮮甜, 彈牙到不得了!
這是燒龍虾時既精彩片段, 好勁呀! 師傅仲話影唔到可以黎多次添! 雖然唔記得個師傅叫咩名, 但都几靚仔架!
煎頂級鵝肝 - 塊鵝肝好厚, 師傅建議我地用手食, 每一口D 油都漏出黎, 真係好甘香... 每食完一啖都要抺一抺隻手指上D 油... 回味無窮!澳洲頂級和牛薄燒 - 好彩我地聽到隔離ORDER左 5 成熟, 見塊牛又真係好鬼薄, 我地又照跟啦, 果然5成岩岩好, 佢裡面包左D 乾蒜葱, 好香口, 跟住o趙o趙下d 牛肉味走番出黎, 而且牛肉好嫩, 美味!
龍虾麵豉湯 - 用個龍虾頭黎淆番個湯, 但偏淡, 同埋其實冇乜味, 叫做食得唔好o徙咁囉
跟住就係炒飯系列喇... 可能我地果爐台台都有人生日, 隔離台又有人生日, 我影到 5隻公仔呀, 集郵成功!!但唯獨我果隻DOMO 整左出黎好似隻雞仔咁... 奉勸大家, 應該整師傅建議果D, 唔好懶特別, 懶有創意喇...
炒飯其實好好食, 顏色又靚咁, 有櫻花虾, 有煙肉碎, 有乾蒜, 有蛋, 豉油, 葱, 仲有黑魚子... 炒得夠乾身, 好香口, 又唔會太咸...
叮噹燒餅出場喇, 本來都好期待, 因為佢個樣整得好靚, 但食落就有少少失望, 個人口味關係, 我覺得偏淡.... 如果豆沙蓉可以甜番少少就好喇...
最後就係生日CAKE 同埋雪糕喇... 雪糕得2款揀, 所以2款叫晒...
我食綠茶味, 偏淡, 同埋欠缺綠茶既苦澀味........
呢餐有得玩, 又有好野食, 無論如何都係滿意既一餐! YUMMY ! Post
