Video
Read full review
2022-12-30
738 views
如題，仲滿心歡喜早咗幾個禮拜網上訂位，結果我司老公齊齊肚屙，真係好難忘🥲網上同電話confirmation已經remark咗係慶祝生日想坐好啲，但去到係安排坐喺路口隔籬，零零舍舍一張枱仔，唔係卡位亦都唔係窗邊，侍應同去廁所嘅客人都會時不時行過，都幾滋擾。後尾發現每一枱嘅甜品都有蠟燭伴碟，估計大家都係慶祝特別日子所以request咗坐靚位🤷🏻♀️兩個人叫咗兩款festive special cocktails、半打生蠔、煙燻蛋、M4澳洲和牛、安格斯肉眼仲有粟米雪糕。埋單3字頭都係意料之中。M4有啲生但都食得過，不過我特別想講舊Ribeye ：叫7成熟，雖然邊邊位炭燒味濃，但中間韌到咬極都咬唔開，牙骹咬到有啲軟💁🏻♀️牛味ok但係成千蚊有一半都係韌嘅，感覺好浪費。唔知邊樣食物出錯，返到屋企大約11點幾開始，我哋就輪住去廁所。到而家我一路打緊食評分散注意力，一路等緊我老公去完俾我去，好想警惕大家睇路🙄兩公婆好不容易等到年尾想好好食一餐慰勞大家，點知發生啲咁嘅事，真係冇下次🥲
網上同電話confirmation已經remark咗係慶祝生日想坐好啲，但去到係安排坐喺路口隔籬，零零舍舍一張枱仔，唔係卡位亦都唔係窗邊，侍應同去廁所嘅客人都會時不時行過，都幾滋擾。後尾發現每一枱嘅甜品都有蠟燭伴碟，估計大家都係慶祝特別日子所以request咗坐靚位🤷🏻♀️
兩個人叫咗兩款festive special cocktails、半打生蠔、煙燻蛋、M4澳洲和牛、安格斯肉眼仲有粟米雪糕。埋單3字頭都係意料之中。
M4有啲生但都食得過，不過我特別想講舊Ribeye ：叫7成熟，雖然邊邊位炭燒味濃，但中間韌到咬極都咬唔開，牙骹咬到有啲軟💁🏻♀️牛味ok但係成千蚊有一半都係韌嘅，感覺好浪費。
唔知邊樣食物出錯，返到屋企大約11點幾開始，我哋就輪住去廁所。到而家我一路打緊食評分散注意力，一路等緊我老公去完俾我去，好想警惕大家睇路🙄
兩公婆好不容易等到年尾想好好食一餐慰勞大家，點知發生啲咁嘅事，真係冇下次🥲
Post
