新康記菜館

Open Now

Now Closed

生日來個Birthday Getaway，平日無疫情一早飛左。今日來到長洲來個小旅行，長洲都有少少泰國Pattaya 的感覺，好有渡假風。嚟到長洲一處近海的地方，又點唔可以試工海鮮餐？在碼頭不難找到各種海鮮小菜館，離碼頭大約十分鐘步程的新康記，大大的招牌幾易認。小店有好夠唔同價錢嘅特色海鮮餐選擇。薑蔥炒蟹炒蟹係爸爸至愛，必點。就咁睇蟹不太大隻，但勝在炒得夠鑊氣。豉椒炒蟶子蟶子份量都幾多，豉椒炒夠晒惹味。椒鹽蝦本身打算叫椒鹽賴尿蝦，但好彩店員姐姐都同我哋比較少肉，比較多人叫嘅係椒鹽蝦，蝦都大隻，肉質夠彈牙。加埋椒鹽味，送啤酒一流。三款海鮮之中，以椒鹽蝦最驚喜！豆腐海鮮湯最後的豆腐海鮮真材實料，除咗有菜之外仲有蜆，蝦和魚，而且份量好夠，四個人都夠飲。最後仲送咗一個蒜蓉炒西蘭花，仲有其他菜好似通菜、白菜咁可以揀。爸爸都好驚喜，原來長洲食海鮮可以咁經濟實惠。下次多啲人一齊去，仲可以試多幾款。