Video
Read full review
2006-10-28
17 views
今日同朋友0黎食lunch, 試0左個香蒜蜆肉扇貝意粉set lunch, 有自助salad bar (只限1 次serving), 洋蔥湯同熱咖啡(自選餐飲); 朋友個set 就係"港式焗雞扒石頭窩飯", 配凍檸茶.個人一向唔太鍾意呢類型自助salad bar, 不過d 蛋沙律都幾好食.洋蔥湯幾好飲, 係唔係authentic French onion soup 我唔知, 不過係好過飲到厭0既羅宋湯/忌廉湯的.我個意粉就好睇唔好食... serve 時熱辣辣, 聞落幾香, 清楚見到一片片蒜頭, 不過食落d 意粉係零蒜味的; d 蜆generally ok, 不過個別一兩隻有沙; 扇貝就認真唔好食, 中間部分好硬, 我初初仲以為係好似d 青口0個舊muscle 咁挖唔出的! 份量夠的, 不過唔好食.不過比起我個意粉, 朋友個"港式焗雞扒石頭窩飯" 仲慘烈... 見個名咁已經唔知咩事; d 雞扒好嚡, 但唔知點解有少少生生地0既味道! d 飯一pat 0野, d 汁係茄汁, 食落味道比大學canteen 0既「$10 仔/頹飯」更差, 好唔得!見呢度好似日式西餐咁款, 一心以為會有滴
個人一向唔太鍾意呢類型自助salad bar, 不過d 蛋沙律都幾好食.
洋蔥湯幾好飲, 係唔係authentic French onion soup 我唔知, 不過係好過飲到厭0既羅宋湯/忌廉湯的.
我個意粉就好睇唔好食... serve 時熱辣辣, 聞落幾香, 清楚見到一片片蒜頭, 不過食落d 意粉係零蒜味的; d 蜆generally ok, 不過個別一兩隻有沙; 扇貝就認真唔好食, 中間部分好硬, 我初初仲以為係好似d 青口0個舊muscle 咁挖唔出的! 份量夠的, 不過唔好食.
不過比起我個意粉, 朋友個"港式焗雞扒石頭窩飯" 仲慘烈... 見個名咁已經唔知咩事; d 雞扒好嚡, 但唔知點解有少少生生地0既味道! d 飯一pat 0野, d 汁係茄汁, 食落味道比大學canteen 0既「$10 仔/頹飯」更差, 好唔得!
見呢度好似日式西餐咁款, 一心以為會有滴漏咖啡飲, 點知杯0野只係一杯有咖啡味0既水, 難飲到極.
環境幾好, 梳化櫈幾好坐, 好乾淨; service 唔ok, 好黑面, 我0地yaap 親個waitress 埋0黎都覺得好似阻住佢hea 咁.
成餐飯最好食竟然係自助salad bar d 蛋沙律, 我相信我唔會再0黎0架喇.
Post