小杬館食坊 (Closed)

有時屋企幾個人放左工一切出街食都幾好架，餐廳雖然無華麗既裝修，但餐廳既職員都好親切，仲比我地見番D公雞碗筷，好有懷舊既感覺。先黎一個白肺湯，媽咪同餐廳職員都強烈推介，話豬肺好有益，不過我就好怕食豬肺，湯就飲左三碗，唔會好油，亦無味精，夏天飲多D都得，可以消消暑清清熱。飲完湯上菜啦… 有煎炸香口的蓮藕餅，小小一個，沒有太多炸粉，充滿家鄉風味，旁邊仲放左少少炸紙菜，有D似韓國海苔，咸咸脆脆好開胃。再來一隻企鵝雞，大家睇睇，真係好攪笑，店員端出黎，即刻計叫我地快D影相，影完會拎番入去切，佢見到我地咁開心，好似都唔想返入去廚房咁。我地用公雞碟分燒雞食，皮脆內軟，如果用大D既雞黎燒，就會淡淡肉，不過而家中型size既雞會滑D。甜品我地揀左一籠馬拉糕，真係好好味，呢度係即叫即做，出黎熱辣辣好香好香，食落口好軟熟又唔會好甜，超Like，似終新鮮出爐，的確係必食之選。