Noren (Closed)

聽聞尖沙咀赫德道新開一間專食日式豚丼嘅小店Norenのれん，小店兩字早已令我深感興趣，而店舖名字のれん意思指門簾，配上其簡單裝修，感覺實在有趣。開門時日籍店主一句有趣的廣東話"歡迎"，更令我有溫暖感覺，加上食物有一定水準，確實值得向大家推介...午餐時段餐牌選擇唔多，當然必試嘅就係豚丼定食($57)。豚丼定食賣相非常對辦。大大塊的豬肉源來自北海道嘅豬肩肉，望落肥瘦均勻，聞落香噴噴，未食就已經流晒口水...豬肩肉入口感覺好美妙，瘦肉部份咀嚼時覺得有少少帶肉香嘅煙韌，而脂肪部份食落極甘香，唔會有肥膩令人卻步感覺，配埋熱辣辣嘅日本米飯，香滑蛋汁同埋少少甜嘅燒汁，好味到不得了！呢度嘅咖喱據稱係由北海道人研製燒出黎，聽起上黎幾吸引，所以亦試左呢份咖喱豬扒定食($60)，同樣有最基本嘅定食配套，麵豉湯跟前菜當然少不了...日本人一向喜愛食甜咖喱，而呢度食到嘅亦係我最愛果種，聞落亦香味十足，食落味道香濃而唔辣，用來送飯絕對係天生絕配！豬扒外層薄皮香脆，內層豬扒油脂豐腴，相當具級數。有一點要彈一下，皮肉之間感覺較為鬆散，食落少左一份協調感覺，但整體上都算唔錯。其實提起豚丼，不其然令我想起十勝豚丼，但兩