渡邊屋

Open Now

Now Closed

九龍城除咗泰國菜，原來仲有好多美食。友人介紹渡邊屋，一間充滿日本感覺嘅小店。一入門口抬頭見到好精緻嘅裝修，魚型擺設係日本師傅花一個月時間用竹片砌出嚟 。呢啲細緻位就睇得出餐廳嘅用心。食物由吧枱後嘅師傅即叫即做。今日嗌咗刺身盛盒$ 248入面有三文魚、油甘魚、真鯛、甜蝦、帶子、海膽魷魚卷、𩶘魚。三文魚刺身口感綿軟，味道清甜，魚油嘅香味充滿口腔。帶子肉身豐厚，味道鮮味甘甜。海膽魷魚卷，一次滿足味蕾。魷魚味道鮮甜配合海膽軟綿質感，入口非常鮮味。簡簡單單，淺嘗日本刺身。呢到嘅店員仲非常親切有禮，食物質素好，下次一定會再同朋友過嚟試下佢哋嘅手握壽司呀。