茶屋達磨 (Closed)

夏天天氣太熱，已經好耐冇去戶外行吓啦！趁住近排涼返啲啲，即刻去咗轉坪洲活動下～郁完肚仔有啲餓，就入咗呢間舖頭食lunch，唔知係咪因為餓餓地，料理質素唔錯，味道幾好食˵¯̴͒ꇴ¯̴͒˵對於活動完嘅我哋嚟講簡直係一樂事´͈ ᵕ `͈✎ 日式豚肉炒烏冬 烏冬幼滑細膩，煙靭彈牙，有咬口～醬料好味，似係用咗日式炒麵同大阪燒嘅汁˃̵͈̑ᴗ˂̵͈̑雜菜新鮮爽口；豚肉煙韌但食落又唔會太乾身，整體味道相對惹味濃味，酸酸地幾開胃。✎ 醬油滑蛋炸雞扒飯個蛋十分滑嫩，略濕潤，微甜，入口即融咁款～飯相對軟腍，而炸雞嘅炸粉好薄身，入邊啲雞好粉嫩，口感唔乾，另外體積都算大而厚身，炸雞味香氣四溢，用心之作 ！✎ 特濃朱古力芝士蛋糕表面佈滿朱古力粉，整體口感香醇絲滑，味道唔會太苦๑˃́ꇴ˂̀๑✎ 焙茶紐約芝士蛋糕味道濃郁甘醇，唔膩；蛋糕鬆軟！✎ 京都抹茶梳打清香帶甘甜，味道不濃不淡～✎ 菠蘿紅茶淡淡菠蘿味，濃郁嘅紅茶味。