善茶 (Closed)

聽講香港唯1一間絲襪奶茶加珍珠嘅茶飲店係尖沙咀開咗，不嬲中意飲港式奶茶嘅我就一於去試下。原來係風雲丸嘅後面，聽講開咗成兩個月啦，今個十一月係感謝月，所以like facebook or follow ig，同埋tag一個朋友就可以正價飲品減4蚊。依個優惠仲要係去到11月尾。我見到有樽仔奶茶買喎，本身$20，如果買一杯正價飲品先可用$15換。所以我就點咗杯壽眉拿鐵再用$15換先抵多1蚊，於是唯有將支樽仔奶茶拎番去做早餐。店員仲好細心解釋唔飲放雪櫃，飲之前搖一搖均佢先飲。飲咗壽眉拿鐵，估唔到壽眉嘅清香同鮮奶係咁夾，飲完都唔濟，而絲襪奶茶真係唔錯，重點要飲到一杯好嘅奶茶已經係香港好難搵到。