Video
Read full review
2024-06-22
44 views
行經銅鑼灣邊寧頓街～比我發現咗一間新開冇耐嘅外賣店🥡見店長姐姐好熱情咁介紹～就一於幫襯下啦✔️無骨醬油雞香油飯 淨係雞都分咗好多種類，海南雞、霸王雞、香妃雞… 不過店長就推介醬油雞，佢哋嘅醬油係自家秘製 落咗好多唔同嘅香料 果然食落層皮帶少少甜之餘仲好香口 雞肉都煮得恰到好處，好滑溜 最細心係已經起埋骨 啖啖肉寧捨滋味 香油飯有香茅味得嚟唔會話油膩✔️咖喱牛腩飯 係我最鍾意易入口嘅港式咖喱嘅味道～ 牛腩肥瘦適中 而且炆到好透 唔會好柴 分量亦都好足 仲有仲有咖喱嘅好朋友～炸薯仔啊～ 夠晒惹味 呢個飯個分量多到我食咗兩餐先食完✔️例湯 呢度嘅例湯真係例湯絕對唔係例水 店長強調絕對冇加味精 而且超級足料 有粟米、南瓜、老黃瓜、豬骨、雞腳煲成 唔係得個講字㗎 係真係有晒佢哋嘅湯渣㗎 而且個湯真係帶少少橙色 係南瓜蓉嚟㗎 淨係飲個湯都值回票價啦！✔️檸檬蒜香雞腳 呢度嘅凍盤都好出色 平時蒜香雞腳就食得多 食食吓就會覺得好膩 原來加咗檸檬 又係另一種感覺 成件事個感覺清新咗好多 雞腳夠晒爽口彈牙 而家呢啲天氣熱辣辣食一流✔️滷水豬手 呢度嘅滷水炆足幾粒鐘 層膠原彈
行經銅鑼灣邊寧頓街～比我發現咗一間新開冇耐嘅外賣店🥡
見店長姐姐好熱情咁介紹～就一於幫襯下啦
✔️無骨醬油雞香油飯
淨係雞都分咗好多種類，海南雞、霸王雞、香妃雞…
不過店長就推介醬油雞，佢哋嘅醬油係自家秘製
落咗好多唔同嘅香料
果然食落層皮帶少少甜之餘仲好香口
雞肉都煮得恰到好處，好滑溜
最細心係已經起埋骨 啖啖肉寧捨滋味
香油飯有香茅味得嚟唔會話油膩
✔️咖喱牛腩飯
係我最鍾意易入口嘅港式咖喱嘅味道～
牛腩肥瘦適中 而且炆到好透 唔會好柴 分量亦都好足
仲有仲有咖喱嘅好朋友～炸薯仔啊～
夠晒惹味 呢個飯個分量多到我食咗兩餐先食完
✔️例湯
呢度嘅例湯真係例湯絕對唔係例水
店長強調絕對冇加味精 而且超級足料
有粟米、南瓜、老黃瓜、豬骨、雞腳煲成
唔係得個講字㗎 係真係有晒佢哋嘅湯渣㗎
而且個湯真係帶少少橙色 係南瓜蓉嚟㗎
淨係飲個湯都值回票價啦！
✔️檸檬蒜香雞腳
呢度嘅凍盤都好出色 平時蒜香雞腳就食得多
食食吓就會覺得好膩 原來加咗檸檬
又係另一種感覺 成件事個感覺清新咗好多
雞腳夠晒爽口彈牙 而家呢啲天氣熱辣辣食一流
✔️滷水豬手
呢度嘅滷水炆足幾粒鐘
層膠原彈彈嘅嘅豬皮吸晒啲滷水嘅精華
炆到夠晒火喉～仲要唔係啲皮得啲皮㗎
肉嘅部分都入晒味啊！
Post
