都市樂

Open Now

Now Closed

阿女近排好喜歡食韓國菜，今日又話要去紅磡食，都市樂小店經營，由韓國人朴媽媽主理，從家常小菜到fusion菜式，每一道都用心製作，充滿了滿滿的韓國風情。所有食品都係即叫即做，等候期間送上多款韓式前菜，有辣有唔辣，食住等又可以開下胃先。韓式香炸雞球：剛剛炸好，熱辣辣外面甘香鬆脆，肉質鮮嫩味美，點些沙律醬味道更佳。香蔥煎餅：新鮮煎起香脆可口，香蔥味更豐厚濃郁，配搭特別調製嘅醬汁更惹味。泡菜部隊湯麵：顏色鮮紅、香氣濃郁，辛辣度較一般辣椒粉溫和，加入午餐肉、泡菜、年糕、魚糕同香腸等豐富材料，麵條爽口，有韓式道地風味。豬骨濃湯麵（不辣）：奶白色的湯頭用豬骨熬成濃湯，味道濃郁鮮甜，再放入豬肉同蔬菜等配料，麵條軟硬適中，條條分明，掛湯且又滑又彈牙。可樂最後送咗兩條香炸沙甸魚比我哋試吓，炸得香脆可口，加咗啲醬汁辣辣哋好惹味！