掌壽司 (Closed)

之前中午好搵位，人氣極高，質素有保證。限聚令下，客人都變得梳落，但店主都用心製作，材料新鮮😋最近仲有優惠🌟 凡惠顧任何定食即可以「半價」加購外賣便當🍱🤩刺身定食 雖然係中午定食，但食材唔馬虎，海膽份量比想像中多，新鮮甘甜，入口即溶。仲有三文魚、油甘魚、劍魚腩，都係勁厚切，魚油味香濃，肉質嫩滑。原位帆立貝及赤海蝦，多肉爽甜。附前菜、茶碗蒸、蜆肉味噌湯、白飯及雪糕甜品😍澳洲M9黑毛和牛壽喜燒 火爐盛上野菜，熱騰騰🔥， 入面材料滿滿。旁邊有色澤紅潤，雪花紋❄️滿佈嘅和牛，仲有日本🇯🇵產生雞蛋。 和牛放入鍋中，吸收湯底清甜，再沾蛋汁，口感更加嫩滑，味道難忘🤩附前菜、白飯、甜品