瀛火日式放題

Open Now

Now Closed

🐷真係好勁，連香港仔新開既放題都要唔放過，帶我去食☺️重點一定要訂座，幸好🐷醒，一早訂座。唔好以為香港仔開放題就求求其其，瀛火絕對做得出唔用qr code 無漏單，而staff又勁有heart服務周到，上碟快，食完又立即收碟，不停食食食，食足够時間。話明放題，一定有刺身走唔甩，刺身肥美鮮嫩，連🐷話平時唔食榮螺，都話呢間刺身够新鮮值得encore. 我自己就喜歡花之戀，呢度仲有我愛既油甘魚整成白之戀❤️所有手握壽司都好有特色。平時食手卷食得多，雪糕筒做手卷我又真係未試過，兩款芥末八爪魚同芝士蟹籽雪糕筒真係好夾又够脆。天婦羅真係即叫即炸，上碟既時候仲熱辣辣✔️熟食可以話全部都好食，真係上碟都仲出煙，唔好以為得日式食物好食，泰式食品白鳳爪，泰式冬蔭功，飛天通菜，唔叫真係走寶。鐵板燒既羊架，牛仔骨，牛舌真係好入味❤️最後甜品，一定要食既係原個菠蘿雪芭，無乜邊度既放題會原隻上，仲要係打成菠蘿蓉，食得出真係成個菠蘿上。有生啤，不過🐷話唔飲，飲王老吉，我唔理，點都要啤一啤❤️個晚見到唔訂座，真係要等好耐，全場爆滿，我決定要再訂座，團年飯要再來吃👍🏻