Video
Read full review
2022-06-09
36 views
疫情終於有所緩和，放假前夕晚上約咗朋友食好西，我哋有成半年無見喇！佢推介佐敦附近有間唔錯嘅鐵板燒店叫「樂Teppanyaki」，佢之前Lunch食過幾掂，所以帶我嚟試吓😝。我哋經網上訂枱，晚市套餐可享八折優惠🈹。小店有啲隱世嘅感覺，因為門面毫不起眼，而店內面積亦唔大，座位唔多，一眼睇晒。坐喺吧枱嘅我哋可以全程睇住師傅整嘢食👨🏻🍳。餐廳設有多款套餐🍽，一人前價位由$688至$1,388不等。我開初覺得呢度定價都幾進取，不過當食完之後就明白了，佢用料上乘，食材成本一定唔平！由於想食海膽，所以我哋揀咗「十八層海膽杯」套餐。時令前菜係海老豆腐，小食味道幾清新🌿，唔係一嘢酸醒你。🦐蝦肉爽口彈牙，再配埋豆腐、芹菜同海帶等一齊食，成個組合幾夾。時令沙律未算太特別🥗，蔬菜淋上適量醬汁，帶微微甜味同蜜糖柚子味，食落幾開胃。簡單食完前菜之後，就到主角「十八層海膽杯」出場。佢以雞尾酒杯裝住🍹，色彩繽紛，造型滿分。我無認真數佢有幾多層，不過每食一啖都有驚喜，因為你會不斷食到唔同嘅食材。佢哋夾埋食毫無違和感，好正😋。如果雞蛋裏挑骨頭的話，就係佢用杯裝上，多到瀉晒囉，哈哈。餐牌上有詳細介紹呢十八層由何組成🌟，等
疫情終於有所緩和，放假前夕晚上約咗朋友食好西，我哋有成半年無見喇！佢推介佐敦附近有間唔錯嘅鐵板燒店叫「樂Teppanyaki」，佢之前Lunch食過幾掂，所以帶我嚟試吓😝。
我哋經網上訂枱，晚市套餐可享八折優惠🈹。小店有啲隱世嘅感覺，因為門面毫不起眼，而店內面積亦唔大，座位唔多，一眼睇晒。坐喺吧枱嘅我哋可以全程睇住師傅整嘢食👨🏻🍳。
餐廳設有多款套餐🍽，一人前價位由$688至$1,388不等。我開初覺得呢度定價都幾進取，不過當食完之後就明白了，佢用料上乘，食材成本一定唔平！由於想食海膽，所以我哋揀咗「十八層海膽杯」套餐。
時令前菜係海老豆腐，小食味道幾清新🌿，唔係一嘢酸醒你。🦐蝦肉爽口彈牙，再配埋豆腐、芹菜同海帶等一齊食，成個組合幾夾。
時令沙律未算太特別🥗，蔬菜淋上適量醬汁，帶微微甜味同蜜糖柚子味，食落幾開胃。
十八層海膽杯
2 views
0 likes
0 comments
餐牌上有詳細介紹呢十八層由何組成🌟，等我引用一下啦，由頂層開始分別有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮鮑魚、北歐花膠、藍鰆吞拿魚拖羅蓉、北海道粒貝、三文魚子、北海道松葉蟹肉同鮮海帶碎；其中海膽就出現咗三層🍣！雖然食材切成粒狀，但仍能保持應有嘅口感，其中幾樣特別出色，包括爽口鮑魚、脆卜卜明太子同軟綿花膠，而各式魚子就爆晒漿。
食完海鮮之後都係海鮮，首先係脆皮煎鰻魚🐟。老實講市面上嘅鰻魚飯同鰻魚壽司我都好唔鍾意食，因為醬汁太濃味，而且魚肉又有細骨🙈，不過呢塊鰻魚睇個樣都知唔同！魚皮相對厚身，但師傅仍能煎出薄脆口感；魚肉細嫩、唔似平日食開嘅肉質。呢道菜式可算係令我重新認識鰻魚。
櫻花蝦煎北寄貝
2 views
0 likes
0 comments
火焰海膽甲羅燒
$298
4 views
0 likes
0 comments
同場加映，甲羅燒出場個刻，店員就提我哋要準備相機打卡，好好迎接火焰🔥，成件事儀式感十足。不過燒嗰吓應該同烹調無直接關係吧。
海膽醬芝士焗龍蝦
12 views
0 likes
0 comments
活龍蝦🦞，餐廳無呃人，龍蝦真係好生猛咁喺廚房拎出嚟，放上鐵板燒時佢仲作出最後嘅掙扎。我無留意師傅介紹係乜品種嘅龍蝦，但絕對唔係波士頓嗰啲平價貨，而且仲好重秤添，我諗有我前臂咁大隻。龍蝦有兩食，左邊係用蝦頭膏炒成，所以蝦香特別濃；而右邊就係用海膽醬牛油芝士焗製，食落鹹香味較突出。師傅問我哋鍾意食邊款多啲，其實真係好難答，因為兩者各有千秋，但我係芝士控🧀，所以有加持。不過共同點係龍蝦肉肉質夠晒結實爽口。
法式煎鵝肝配時令水果
$368
6 views
0 likes
0 comments
法式煎鵝肝配時令水果($368)，我俯視咗件鵝肝好耐，因為佢喺較早階段已經拎咗出嚟解凍。鵝肝同樣激大件，未煎之前可能有成吋厚😳，勁誇張，煎完後亦難得無乜縮水。鵝肝已經唔係單單用入口即溶可以形容到，咬過脆皮外層之後，入到口直頭係「成口油」嘅感覺，😈邪惡到不得了。為咗化解鵝肝嘅膩，師傅精心搭配咗三款經釀製嘅水果，分別係藍莓、蘋果/梨同提子，口感各異，但一樣甜甜的。我哋毫無頭緒右手邊嗰件係乜，個樣似熱香餅麵包，口感似海綿，答案竟然係淮山(唔係滑潺潺㗎咩?)，夠晒特別！
岩手縣A5威士忌和牛厚燒
32 views
0 likes
0 comments
岩手縣A5威士忌和牛厚燒，食到呢個階段，其實淨係食咗海鮮，都已經飽咗七成，傻的嗎？不過有和牛食又即刻開胃返。和牛雪花紋理勁靚，油脂分佈均勻，符合A5級別嘅水準。師傅介紹啲牛係飲威士忌大🥃，笑死，做牛都咁識嘆，難怪賣得咁貴啦。和牛唔需要特別嘅調味已經好好食，佢唔似其他餐廳咁配蔥同炸蒜，反而係輕輕淋上海膽豉油，佢並無搶過牛肉味。不過要講返就係和牛係薄燒，而非厚燒🥩。
燒野菜
12 views
0 likes
0 comments
黑松露椰菜炒飯
23 views
0 likes
0 comments
創作時令主食係黑松露椰菜炒飯，🍚師傅好貼心，會問清楚客人食唔食蔥。炒飯炒得夠乾身，當中混入咗椰菜粒，口感豐富之餘，食落亦無咁飽滯。黑松露香氣撲鼻，每啖都好濃郁。飯加雞蛋一齊炒並唔出奇，但佢係配上一隻煎蘭王蛋🍳。餐廳就連蛋都用上日本靚貨，絕唔馬虎。
特色紙包花膠蜆湯
43 views
0 likes
0 comments
特色紙包花膠蜆湯，湯品用上膠袋裝真係第一次見，可能咁樣裝令佢可以放上鐵板煮熱。作為最後一味嘅蜆湯直達驚艷程度🤤，湯入面有大蜆、花膠、花菇同海帶等，味道清澈得嚟好夠味，原來係用返頭先個龍蝦頭熬煮，師傅話連一滴鹽都無落過添，難以置信。
題外話，餐廳所提供嘅熱茶亦係非一般🍵，味道偏甘苦，皆因係花旗蔘茶。我自己就唔係好飲得慣，但呢個可能係特別安排吧。
小店經營一啲都唔容易，呢日眼見只有師傅同另一個哥仔負責店舖大小一切👍。佢哋過程中無停過手，更多次往來廚房，整足三個鐘，睇見都攰啊。雖然咁忙碌，但樂師傅仍然非常好客，樂於同食客交流，佢原本係一個被廚師耽誤嘅歌手嚟，哈哈。
總括嚟講，好味鐵板燒我並唔係第一次食，但講到最印象深刻非今次莫屬💯。除咗味道同食材質素令人滿意之外，我更加欣賞師傅嘅專業態度，從每道菜式嘅精心搭配，可讓食客感受到佢嘅用心，唔係交大路行貨。如果想要一個難忘嘅體驗，我高度推介「樂Teppanyaki」！
Post
