舍利鮨 (Closed)

舍利鮨座位好夠闊落，一啲都唔逼狹。北海道仙鳳趾生蠔食落超級滑口，肉質肥美，鮮甜味濃🙌🏻時不知刺身脂豐肉嫩，味道清甜得嚟脂香滿溢💦野生嘅三文魚🐟比起一般養殖嘅三文魚，冇咁腥亦都冇咁油👍🏻蓴菜三文魚籽杯大大粒三文魚籽🏀晶瑩通透，一頂即破😆蓴菜口感清爽滑嫩～赤貝刺身肉質爽厚，鮮味十足。入口帶有獨特而濃厚嘅海洋氣息🌊食完想再食多件🙌🏻清湯燉鮑魚肉質鮮嫩，口感彈牙🦷醬汁鮮甜香濃，非常出色！櫻煮八爪魚第一次食，有驚喜😍肉質非常軟熟入味，咬落唔會好似出面嗰啲香口膠咁嘅口感👍🏻醬油漬鰹魚刺身擺盤好靚，師傅話係喺正初夏嘅當造海鮮，怪唔得之鮮味十足🤤口感軟腍，魚香獨特而出眾～