吉龍糖黑糖茶飲專賣店 (Closed)

啲人話係同老虎堂打對頭 因為路過旺角又唔想飲普通嘅珍珠奶茶 見到呢間嘅裝修 好似好霸氣咁 忍唔住就試下 我嗌咗兩杯沖繩珍珠厚奶 睇圖都見到 珍珠唔算多 奶就相對比較多 佢用嘅係明治奶 加上沖繩黑糖再配珍珠 珍珠都幾大粒 幾有咬口 唔錯可以食到有好香嘅黑糖味 但係杯奶茶 茶同奶嘅味道唔係好夾 可能加上珍珠都幾濃味 有啲格格不入 同埋奶味太重 好似飲緊好甜嘅黑糖奶咁 不過 亦都唔算難飲因為佢做到好滑味道亦都幾濃郁 只不過飲完又好飽嘅感覺 由於飲品嘅選擇好少下次應該唔會再試