Video
Read full review
2021-08-19
1012 views
阿爺燒鵝，大圍開業年半，睇住佢由好好好食，變咗劣食。大大話話幫襯過三幾十次，以前啲半肥瘦叉燒，真係極品。大約半年前開始，有啲唔對路，唔知係咪來貨差咗，連續幾次外賣半肥瘦叉燒，返到屋企都係鞋過柴皮，就算叫肥叉，都冇分別。終於早幾個月前，同收銀反映，佢推介我買「肥燶腩叉」，貴$20一斤，成惠$150一斤，不過就保證半肥瘦。又即管試下 ...嘩，不得了，真係件件半肥瘦兼黏口，食完個個讚不絕口。如是者，次次幫襯都一定包括呢樣。最近幾次，問題又再出現，早幾次，「肥燶腩叉」返到屋企，竟然變咗柴皮瘦叉。心諗唔通攪錯？上一次，老婆話，嘩乜咁肥架 ...上星期六，斬料返外母度食飯，點知今次仲過分，除咗上邊幾件，係真正嘅「肥燶腩叉」之外，下邊全部都係全肥叉。企檔斬叉燒的，冇可能唔知道斬咗啲乜嘢比客，太過份！下邊圖中，其實全肥的仲有2、3件，不過用筷子夾走咗，影唔到 ...當下九秒九致電投訴，回家前再揸車返舖頭比相佢睇，我唔係要求回水，只係叫佢比老細睇下，企檔師傅點樣斬料比客。好嬲，永冇下次！
大大話話幫襯過三幾十次，以前啲半肥瘦叉燒，真係極品。大約半年前開始，有啲唔對路，唔知係咪來貨差咗，連續幾次外賣半肥瘦叉燒，返到屋企都係鞋過柴皮，就算叫肥叉，都冇分別。
終於早幾個月前，同收銀反映，佢推介我買「肥燶腩叉」，貴$20一斤，成惠$150一斤，不過就保證半肥瘦。
又即管試下 ...
嘩，不得了，真係件件半肥瘦兼黏口，食完個個讚不絕口。
如是者，次次幫襯都一定包括呢樣。
最近幾次，問題又再出現，早幾次，「肥燶腩叉」返到屋企，竟然變咗柴皮瘦叉。心諗唔通攪錯？上一次，老婆話，嘩乜咁肥架 ...
上星期六，斬料返外母度食飯，點知今次仲過分，除咗上邊幾件，係真正嘅「肥燶腩叉」之外，下邊全部都係全肥叉。
企檔斬叉燒的，冇可能唔知道斬咗啲乜嘢比客，太過份！
下邊圖中，其實全肥的仲有2、3件，不過用筷子夾走咗，影唔到 ...
當下九秒九致電投訴，回家前再揸車返舖頭比相佢睇，我唔係要求回水，只係叫佢比老細睇下，企檔師傅點樣斬料比客。
好嬲，永冇下次！
Post
