郭仔記粥麵專家

Open Now

Now Closed

呢間野我由細食到大，不過今日帶左朋友一齊黎食，所以就順便介紹下佢。你睇佢個Menu其實都幾多款式揀，呢個就係我由細到大都成日去食嘅原因，因為每次都可以揀唔同款式嘅食物。我最鍾意食既送係魷魚、牛柏葉、通菜同埋紫菜。出面食嘅車仔麵一般都唔係好多間有牛柏葉嘅，同埋佢啲牛柏葉又唔韌，加上魷魚又好爽口，兩樣加埋食就真係絕配！佢啲紫菜每次啲份量都好多，同埋啲紫菜同埋通菜好索汁，一齊飲佢個湯底好正。佢個湯底有好多款揀，有鮑魚汁、牛腩汁、秘製辣汁、沙嗲汁同咖喱汁，真係唔怕簡唔到！同埋你見佢都幾大碗，而且個油麵好爽口，真係食到雪雪聲!食到咁口渴，梗係要飲返杯豆漿，佢個豆漿個豆味都幾重，而且唔甜，係我每次黎都會叫嘅飲品！