Video
Read full review
2024-06-30
1312 views
見附近開咗新商場專程長假過嚟呢邊行吓已經10幾年冇嚟過鴨脷洲呢邊印象呢邊好多屋邨但原來都有好多好嘢食.今日就去陳新記試吓佢個一口西多士一出利東站直行就見到熟食中心搭𨋢上一樓已經有幾間食肆 記得唔好亂坐啊🤭假期午餐時間到全場都幾多人去幫襯，最聰明嘅做法就係去到陳新記同佢講幾多位，之後佢哋就會幫你手搵位或者唔好彩嘅就要等位啦😆.其實本身有幾樣嘢都好想食但因為我哋又來一個美食之旅，怕食唔晒😆，只好精挑細選一下揀咗以下三樣食物👇🏻🐟魚蛋河$38🧈一口西多士$37🥟招牌炸三寶$80🥤可樂$10一落完單勁快就嚟咗佢嘅招牌脆炸三寶成個上菜速度都好快🥰脆炸招牌三寶$80😍有炸魚皮炸魚角同埋炸雲吞，另外配咗甜酸醬同埋沙律醬，呢個配搭平時出邊都比較少有少啲見佢嘅魚皮比較薄身，唔會好鹹就咁單食都覺得好食，唔一定要浸埋湯先食，冇咩油膩味👍👍炸魚角比較普通咗啲，但佢個炸粉本身唔太厚，但略嫌唔夠魚味但彈牙嘅驚喜係個炸雲吞，因為而家好少有，入邊仲要足料喎！有蝦有豬肉雲耳冬菇，點埋個醬嚟食幾好幾正😬覺得如果有外國朋友過嚟都不妨可以帶佢哋嚟試吓！😌😌魚蛋河$38河粉偏厚身嘅，魚蛋同魚片正常，湯底係普普通通，呢個就下次未
已經10幾年冇嚟過鴨脷洲呢邊
印象呢邊好多屋邨但原來都有好多好嘢食
.
今日就去陳新記試吓佢個一口西多士
一出利東站直行就見到熟食中心搭𨋢上一樓已經有幾間食肆 記得唔好亂坐啊🤭假期午餐時間到全場都幾多人去幫襯，最聰明嘅做法就係去到陳新記同佢講幾多位，之後佢哋就會幫你手搵位或者唔好彩嘅就要等位啦😆
.
其實本身有幾樣嘢都好想食
但因為我哋又來一個美食之旅，怕食唔晒😆，只好精挑細選一下
揀咗以下三樣食物👇🏻
🐟魚蛋河$38
🧈一口西多士$37
🥟招牌炸三寶$80
🥤可樂$10
一落完單勁快就嚟咗佢嘅招牌脆炸三寶
成個上菜速度都好快🥰
招牌炸三寶
$80
63 views
0 likes
0 comments
脆炸招牌三寶$80😍
有炸魚皮炸魚角同埋炸雲吞，另外配咗甜酸醬同埋沙律醬，呢個配搭平時出邊都比較少有少啲見
佢嘅魚皮比較薄身，唔會好鹹就咁單食都覺得好食，唔一定要浸埋湯先食，冇咩油膩味👍👍
炸魚角比較普通咗啲，但佢個炸粉本身唔太厚，但略嫌唔夠魚味但彈牙嘅
驚喜係個炸雲吞，因為而家好少有，入邊仲要足料喎！有蝦有豬肉雲耳冬菇，點埋個醬嚟食幾好幾正😬覺得如果有外國朋友過嚟都不妨可以帶佢哋嚟試吓！😌😌
魚蛋河
$38
14 views
0 likes
0 comments
魚蛋河$38
河粉偏厚身嘅，魚蛋同魚片正常，湯底係普普通通，呢個就下次未必再食啦😆
一口西多士
$37
24 views
0 likes
0 comments
一口西多士$37
佢仲有下午茶套餐，不過我哋早嚟，所以就要俾正價啦，即叫即炸，熱辣辣已經正，一早淋好晒花生醬同煉奶，都唔錯嘅，但如果蛋香再豐富啲就好啦😆😆每一口西多士入邊都搽咗花生醬，食嘅時候每啖都記住點好啲醬！！！好邪惡好開心放假咁先啱😈🤤🤤🤤
埋單一共$165，整體炸物比較出色，仲見到佢有椒鹽炸魚蛋炸鮑魚，仲有好多海鮮代切加工，都見到唔少人食海鮮㗎！如果下次再嚟都好想試吓☺️
Post
