Video
Read full review
2018-07-30
205 views
前兩個星期，和屋企的老人家來過這裡吃午飯，他們都覺這裡的中午頭等餐唔錯，抵食，之後，還說要帶埋姨媽來吃一餐，當為同佢食餐生日飯。今日真的約了姨媽來吃午飯。因為有七人吃飯，所以一個6人餐是不夠吃的，所以加了三個餸。老豆記得上次是吃了B餐，所以今次轉食C餐。加了一個九轉小腸、冰爽酒糟蟶子和蒜蓉蒸蟶子。小食、冷盤先上，分別是脆紫菜、冰鎮苦瓜、蝦苗拌頭水紫菜、阿元香草雞和九轉小腸。頭三款菜上次已講過，今次不再多講。【阿元香草雞】雞切得細細件的，皮好薄，唔肥。有香草味和酒味。【九轉小腸】原來真係有九個轉架喎，好爽彈，而且入味。【傳統扁肉湯】肉湯正。小雲吞皮薄，聽說粉皮是有用豬肉作材了，所以口感較特別。【軟煎黃花魚】三條小黃花魚的皮煎得金黃香脆，魚肉肉質幼細。不過，我們不大欣賞個茨汁。【自製滑豆腐】不愧叫作滑豆腐，果然很滑。還有就係個厚冬菇，好好食。【砂鍋紅糟雞】好重南乳味，所以唔係個個都鐘意食。之不過，雞肉其實係好嫩滑的。【馬來風光】原來係馬拉盞炒通菜。通菜炒得爽脆，馬拉盞都好多，所以好惹味。【冰爽酒糟蟶子】蟶子經煮熟後，再用花雕酒浸住。蟶子嗦了酒香，食落除了有蟶子的鮮甜味之餘，還有酒香。【蒜蓉
今日真的約了姨媽來吃午飯。因為有七人吃飯，所以一個6人餐是不夠吃的，所以加了三個餸。老豆記得上次是吃了B餐，所以今次轉食C餐。加了一個九轉小腸、冰爽酒糟蟶子和蒜蓉蒸蟶子。
小食、冷盤先上，分別是脆紫菜、冰鎮苦瓜、蝦苗拌頭水紫菜、阿元香草雞和九轉小腸。頭三款菜上次已講過，今次不再多講。
【阿元香草雞】
雞切得細細件的，皮好薄，唔肥。有香草味和酒味。【九轉小腸】
九轉小腸
11 views
0 likes
0 comments
原來真係有九個轉架喎，好爽彈，而且入味。【傳統扁肉湯】
肉湯正。小雲吞皮薄，聽說粉皮是有用豬肉作材了，所以口感較特別。【軟煎黃花魚】
三條小黃花魚的皮煎得金黃香脆，魚肉肉質幼細。不過，我們不大欣賞個茨汁。【自製滑豆腐】
不愧叫作滑豆腐，果然很滑。還有就係個厚冬菇，好好食。【砂鍋紅糟雞】
好重南乳味，所以唔係個個都鐘意食。之不過，雞肉其實係好嫩滑的。【馬來風光】
原來係馬拉盞炒通菜。通菜炒得爽脆，馬拉盞都好多，所以好惹味。【冰爽酒糟蟶子】
蟶子經煮熟後，再用花雕酒浸住。蟶子嗦了酒香，食落除了有蟶子的鮮甜味之餘，還有酒香。【蒜蓉蒸蟶子】
這個做法較傳統，老人家較喜歡這個做法。蒜香味加蟶子鮮甜味，就是滋味。【興化炒米粉】
米粉好幼細，比一般平時食開嗰種米粉起碼幼一半，所以個口感較細緻。配料多，有海鮮、花生、雜菜。味道調得剛剛好。【花生湯圓】
這個甜品較少吃，味道不太甜。但係啲湯圓好似熟唔透，有少少怪。姨媽其實食得好開心，仲話生日正日會請我哋去食自助餐添。
埋單$912，老豆問點解上次食一個套餐只是故$598 (全包)，今次只是加多三個餸，點解貴咗咁多? 原來佢計漏咗三個餸和第七位的茶位係要加一收費。
Post
