ME'N'U Homemade Fusion (Closed)

公司位於元朗，因為上班的關係，附近的餐廳幾乎已食遍，最近竟然發現有一間小型食店，由外籍人主理，主打西餐。重點是全日無加一，午市套餐約59～80不等，正合乎午餐的價格定位。餐廳規模不大，但五臟俱全，不論牆壁或者餐枱甚至廁所的裝飾都甚俱特色，非常具有個人風格，盡顯店主的思維和品味在當中。仿佛置身異國。任何一款午餐，都有附送餐湯。每日都幾乎唔同，有時係粟米忌廉湯，有時係番茄薯仔湯，今日就是蘑菇湯。飲湯嘅同時還可以品嚐蘑菇粒，足料而且香濃可口。午餐套餐$69。由薄餅包住沙律菜同埋燒好的羊腿肉，再加上適當的醬汁用錫紙包好放入焗爐焗至外皮金黃色，上枱的時候還可以感受到熱度，由於羊肉係採用羊腿嘅部位，所以不韌，與沙律菜的味道很夾，有菜有肉，吃起上來不會生膩。最後，還附送一杯餐飲。作為午餐的完美結局。