Fûhn (香港逸東酒店)

Open Now

Now Closed

香港逸東酒店位於LG3樓嘅普慶food court有不同食肆選擇，今日剛巧嚟到呢區就入去食嘢，最終揀咗越式Fuhn食檬，喺櫃枱攞完食物就可周圍搵位坐。咁啱路過一間房仔見到入面有個DJ打碟，房外面就貼了很多相片，當中最深刻嘅係張國榮同梅艷芳的黑白合照相，兩位巨星風采歷歷在目。香茅豬扒撈檬：豬扒煎得香，有咬口之餘亦唔「嚡」，有沙律菜伴住食得唔油膩，再加上甜酸汁夠曬開胃，夏天食就最啱。加$12有杯飲品所以叫杯凍蜜桃，消消暑確係唔錯。香茅豬頸肉煎蛋飯：朋友叫的這個飯，豬頸肉同樣香口，配上葱油、酸蘿蔔絲、炸蒜令整體更惹味。叫埋杯青檸梳打冰爽晒。呢度環境暗暗地令人寫寫意意，心中仍念著剛才看到那張哥哥阿梅照片，還想起哥哥重唱《明星》當中嘅歌詞「當你見到星河燦爛 求你在心中記住我」，我會說：「從未忘記！」。