曦

Open Now

Now Closed

疫情終於受控，四月下旬晚市得以重開，舞會亦隨即開放，堅有XO仔心嘅靚女舞伴即相約舞前於鄰近嘅新店「㬢」嘆番餐廚師發辦，補祝細佬生日，認真客氣！小店離炮台山地鐵站不遠，巴士、小巴、叮叮附近都有站，交通絕對方便。地舖木造嘅門面、鮮紅色嘅布簾及光亮嘅招牌於灰牆上十分顯眼。步入店子，即可見到可容納上十人嘅壽司吧，掌舵嘅兩位師傅相當好客，而且平易近人。不用花巧之裝潢，木造嘅間隔足以滲出和風味。值得一提嘅就係男女共用嘅洗手間全自動模式操作，疫情下感覺尤其衛生。每位席上都擺有齊備嘅自用餐具、濕紙巾及口罩信封。桌上另有牙籤及額外嘅乾、濕紙巾。晚市只提供一款以店名取名嘅「㬢」廚師發辦套餐（$1,800/位）。電子飲品餐牌則有一頁之多。嘻嘻，酒鬼賀壽當然係要飲番兩杯啦！如貴客欲自攜佳釀，每樽720ml及1.8L日本清酒嘅開瓶費分別為$200及$500，價格都好合理。師傅備製魚生前，先送上清新爽脆嘅漬物送酒酒，細心得很。為晚餐作序嘅有暖胃嘅茶碗蒸。小碗中嘅燉蛋軟嫩滑溜，配料用上橙美厚彈嘅蝦隻、厚潤嘅帶子粒及幼嫩嘅松葉蟹蟹絹即倍添口感及鮮甜。頭兩道刺身均為組合菜。第一件師傅以愛媛縣嘅真鯛切成薄片，夾入海膽後再