Video
Read full review
2022-08-16
585 views
依間餐廳嘅美食係小編食過最難忘嘅泰國菜，加上店內員工服務態度一流，絕對值得喺第一個post度介紹！ 鹽燒魚 $168侍應上菜嘅時候，小編同朋友都俾依條超級大條嘅鹽燒魚驚艷咗！小編之前一直都好少喺餐廳嗌燒魚，今次初嘗真係顛覆咗小編嘅認知。魚肉唔會太乾，亦都好入味。鍾意食魚皮嘅小編表示如果層魚皮都食得就好喇🤪菠蘿炒飯 雞$88 海鮮$98碟上有檸檬可以俾客人按照自己口味唧啲檸檬汁落飯度令到成碟菜更開胃✨配上辣汁嚟食就更加正！就算係唔太鍾意食菠蘿嘅小編都忍唔住試多幾啖就知有幾好味🤭份量都好足 如果肉鬆可以多返少少就好喇😝醉貓炒河 $88炒河係小編去大排檔必嗌嘅主食，見到菜單寫住醉貓咁特別就更加要試！啱啱上枱已經聞到幾香，本身以為係落咗啲酒一齊炒但食落唔覺有，相信係小編估錯咗🤣辣度適中，唔算太辣，對小編嚟講就同譚仔十小辣差唔多（sorry小編係譚仔迷 淨係可以咁樣嚟比較去俾大家大概感受吓🤭）燒牛肉 $128肉類嚟講小編最鍾意食牛肉，所以都係一嚟到就諗好要嗌，係無後悔嘅選
鹽燒魚 $168
侍應上菜嘅時候，小編同朋友都俾依條超級大條嘅鹽燒魚驚艷咗！小編之前一直都好少喺餐廳嗌燒魚，今次初嘗真係顛覆咗小編嘅認知。魚肉唔會太乾，亦都好入味。鍾意食魚皮嘅小編表示如果層魚皮都食得就好喇🤪
菠蘿炒飯 雞$88 海鮮$98
碟上有檸檬可以俾客人按照自己口味唧啲檸檬汁落飯度令到成碟菜更開胃✨配上辣汁嚟食就更加正！就算係唔太鍾意食菠蘿嘅小編都忍唔住試多幾啖就知有幾好味🤭份量都好足 如果肉鬆可以多返少少就好喇😝
醉貓炒河 $88
炒河係小編去大排檔必嗌嘅主食，見到菜單寫住醉貓咁特別就更加要試！啱啱上枱已經聞到幾香，本身以為係落咗啲酒一齊炒但食落唔覺有，相信係小編估錯咗🤣辣度適中，唔算太辣，對小編嚟講就同譚仔十小辣差唔多（sorry小編係譚仔迷 淨係可以咁樣嚟比較去俾大家大概感受吓🤭）
燒牛肉 $128
肉類嚟講小編最鍾意食牛肉，所以都係一嚟到就諗好要嗌，係無後悔嘅選擇！燒牛肉都係比想像中更香嫩多汁，而且廚師亦都無燒到啲肉太老。另外點汁會更加好食~鍾意食牛嘅朋友仔絕對唔好錯過🤩
自家製雪條 $免費
當日小編攞住一抽二袋所以冇辦法攞手機出嚟影相🤣雪條size同設計都同雀巢牛樂雪條相似，細食嘅朋友仔可能要留肚食喇~食客埋單之後就可以喺職員嘅協助下，喺門口隔離嘅冷凍格度一人揀一支雪條。當日餐廳提供嘅口味係泰式奶茶同椰汁味，建議大家入場可以問定當日雪條口味係咩再決定嗌咩飲品，咁就唔會有好似飲用泰式奶茶再食泰式奶茶味雪條嘅heavy情況🤓有時員工可能會唔記得提供，大家有禮貌地提醒返就有㗎喇！
椰青 $48 & 泰式凍奶茶 $38
兩款嘢飲都不過不失，所以就唔特別介紹喇！唯一一點就係啲椰青肉都夠熟所以不妨試吓用附設嘅匙羹刮出嚟食~
👩🍳員工態度👩🍳
當日職員見小編同朋友嘅袋都無位放，會主動喺附近攞張凳俾我哋放。另外，餸菜嚟到嘅時候都有另一位員工過嚟問我哋食唔食得辣，一向鍾意食辣嘢嘅小編當然話食得，之後嗰位員工就提供埋辣汁俾我哋餸飯，有辣汁之下嘢食都更加惹味🤤
椰青
$48
24 views
0 likes
0 comments
燒牛肉
$128
20 views
1 likes
0 comments
醉貓炒河
$88
13 views
0 likes
0 comments
鹽燒魚
$168
27 views
0 likes
0 comments
鹽燒魚
$168
21 views
0 likes
0 comments
Post
