Video
Read full review
2018-12-12
215 views
當近日唔少歌手都中港兩地兩邊走，更加有人係去到外國發展，就會被稱為太空人👨🚀有一啲歌手更加因為衣著太浮誇，而被網民笑稱太離地，當佢哋難得喺香港露面，就稱之為返回地球。到底登陸月球係咩感覺？🌚雖然我並未能夠做到世界周圍飛，但係今日嚟到荃灣呢一間西餐廳，就係因為佢一樣嘢，令到我有置身登陸月球嘅感覺。普遍餐廳都會用食物代表餐廳嘅特色，但係我會話呢間餐廳就利用咗一個月球嘅燈做signature；餐廳裏面，裝修簡約但華麗，就已經完全突出咗餐廳嘅特色，因此我會稱呼佢係月球餐廳。黑色嘅天花設計，加上亮麗發光嘅月球燈，整個氣氛就如登陸月球。. 月球餐廳提供嘅美食唔係一啲「離地」嘅餐點，而係一啲貼地嘅西餐，價錢人均大約200至250蚊左右，都絕非離地價錢。呢次叫咗個海鮮套餐，加埋一$580蚊左右，除番開人均都只係唔過三百蚊，已經可以享受高級餐廳嘅味道，仲可以抱住個肚離開餐廳。. 你可能又會話，喺荃灣區嘅西餐廳食海鮮真係會新鮮咩？我敢講，呢一間入嘅海鮮絕對新鮮尤其係螺，多汁飽滿；至於蝦，雖然唔大隻，但係極度鮮甜，生蠔亦都食得出有海水味，絕對唔係急凍生蠔。 海鮮拼盤配咗三種醬汁：紅酒醋，豉油同埋酸甜汁，等
普遍餐廳都會用食物代表餐廳嘅特色，但係我會話呢間餐廳就利用咗一個月球嘅燈做signature；餐廳裏面，裝修簡約但華麗，就已經完全突出咗餐廳嘅特色，因此我會稱呼佢係月球餐廳。黑色嘅天花設計，加上亮麗發光嘅月球燈，整個氣氛就如登陸月球。.
月球餐廳提供嘅美食唔係一啲「離地」嘅餐點，而係一啲貼地嘅西餐，價錢人均大約200至250蚊左右，都絕非離地價錢。呢次叫咗個海鮮套餐，加埋一$580蚊左右，除番開人均都只係唔過三百蚊，已經可以享受高級餐廳嘅味道，仲可以抱住個肚離開餐廳。
.
你可能又會話，喺荃灣區嘅西餐廳食海鮮真係會新鮮咩？我敢講，呢一間入嘅海鮮絕對新鮮
尤其係螺，多汁飽滿；至於蝦，雖然唔大隻，但係極度鮮甜，生蠔亦都食得出有海水味，絕對唔係急凍生蠔。 海鮮拼盤配咗三種醬汁：紅酒醋，豉油同埋酸甜汁，等大家可以配搭唔同嘅新鮮海鮮食出更鮮味。.
當日嘅是日餐湯係南瓜忌廉湯
作為南瓜愛好者，去到每一間西餐廳只要有得揀，都唔會揀其他。呢度嘅南瓜湯好香好滑，會飲得出佢落嘅忌廉係優質嘅，奶香係真係慢慢散發出嚟，而且佢將南瓜打到好勻，成個湯望落去金黃色，香濃細膩；
餐包用咗中式蒸籠去裝住，感覺相當特別， 當間間餐廳都伴牛油嘅時候，呢度就配秘製沙律醬，酸酸甜甜更加開胃。西班牙海鮮飯
喺荃灣食過另外一間西班牙嘢，佢哋嘅西班牙海鮮飯又鹹又油，但係呢間西班牙海鮮飯經過改良，絕對唔鹹，相信鹹味係黎自肉腸，而且真係唔油，食得多唔會好飽濟；另一 值得讚嘅係佢哋嘅海鮮都唔少， 唔會因為飯係主角而只得蝦仁兩三粒。登陸月球唔一定離地； 食西班牙海鮮飯亦唔一定要去西班牙餐廳先好食。有時文化習俗唔一樣，其實經過改良嘅先係最適合自己😁😎
Post
