Gathering (Closed)

繼上次朋友帶我去元朗偷食之後,食過翻尋味...今次又悄悄地入去元朗搵好西,朋友帶路下,嚟咗呢間有啲優閒寫意feel嘅cafe鋸扒gathering,餐廳格調靜靜地咁,啱哂我哋。睇一睇餐牌,見到有risotto我就一定會莫名興奮,實在太鍾意食喇,所以點咗個焗帶子墨魚汁意大利飯($148蚊),嚟到嘅時候嚇咗一跳,對我嚟講呢個份量都頗多,成隻手掌咁大嘅直徑米飯,烏捽捽嘅墨魚汁包圍住哂所有粒粒米,加上兩粒珍寶size嘅鮮帶子,賣相已經不錯。食落醬汁都幾惹味,質感creamy,如果車厘茄可以多多幾粒咁就完美喇。朋友叫咗個set,套餐包咗碗餐湯,係紅菜頭紫薯忌廉湯,呢個款式嘅湯好吸引,因為紅菜頭同紫薯都係我鍾意食嘅嘢嚟,但用嚟煮湯又好似好小見喎...所以都搶咗我朋友幾啖來試~紫薯味道甘甜,原來咁樣整個湯都幾好味啵~同埋佢紫色咁樣好鬼靚,上面啲忌廉仲拉哂花咁隨湯奉送嘅餐包仲有碟慢煮橄欖油車厘茄醬沾點,確實係比出面普遍嘅西餐廳較為特別,小小一口咁都幾開胃。好似冇乜菜落肚咁所以叫咗款小食：香蒜炒蘑菇($38蚊),用個小筒子盛住又幾精緻喎~蒜味好香朋友叫咗份美國安格斯肉眼扒配香草燒新薯($228蚊),叫咗