Video
Read full review
2019-01-26
3587 views
@poempatisserie ————————————————————可能適合對象：#白朱古力烏龍茶蛋糕 #白朱古力 #烏龍茶蛋糕 #鐵觀音蛋糕 #水墨畫 #中國風 甜度（5星最甜）：⭐️⭐️濃度（5星最濃）：⭐️⭐️⭐️🍴：餐具 ✖️ / 蠟燭 ✔️ / 冰包 ✖️（可以+50蚊買）/ 紙盒✔️🏷：✔️（免費寫名）💬：好專業，Product Knowledge 好高，又好Helpful🛒：西營盤 #cakeup_西營盤站🔘：個裝（適合6-8位）💰：$750————————————————————性價比：中好靚，真係一個好清秀優雅嘅蛋糕。由於真係好靚又幾好味，我哋都刻意上網了解多啲餅店嘅來頭。原來餅廚係贏過亞洲最佳女廚師獎項嘅人。雖則我唔知係乜獎打乜獎，但佢以中式山水畫嘅唸法放係一個西式嘅蛋糕上面，型得嚟，外形做得咁優雅，仲要好味，相信贏係有佢原因。𠵱間舖頭好細心，每個蛋糕都會提供一張蛋糕ingredients卡俾你，明白呃Like重要，但食乜落肚同時重要，𠵱一點，我哋覺得係加分！蛋糕方面，佢係以檸檬海綿蛋糕加鐵觀音烏龍茶Mousses，仲有白朱古力Mousses去做成。睇落層次係幾分明，面嘅白朱古力M
可能適合對象：#白朱古力烏龍茶蛋糕 #白朱古力 #烏龍茶蛋糕 #鐵觀音蛋糕 #水墨畫 #中國風
甜度（5星最甜）：⭐️⭐️
濃度（5星最濃）：⭐️⭐️⭐️
🍴：餐具 ✖️ / 蠟燭 ✔️ / 冰包 ✖️（可以+50蚊買）/ 紙盒✔️
🏷：✔️（免費寫名）
💬：好專業，Product Knowledge 好高，又好Helpful
🛒：西營盤 #cakeup_西營盤站
🔘：個裝（適合6-8位）
💰：$750
————————————————————
性價比：中
好靚，真係一個好清秀優雅嘅蛋糕。由於真係好靚又幾好味，我哋都刻意上網了解多啲餅店嘅來頭。
原來餅廚係贏過亞洲最佳女廚師獎項嘅人。雖則我唔知係乜獎打乜獎，但佢以中式山水畫嘅唸法放係一個西式嘅蛋糕上面，型得嚟，外形做得咁優雅，仲要好味，相信贏係有佢原因。
𠵱間舖頭好細心，每個蛋糕都會提供一張蛋糕ingredients卡俾你，明白呃Like重要，但食乜落肚同時重要，𠵱一點，我哋覺得係加分！
蛋糕方面，佢係以檸檬海綿蛋糕加鐵觀音烏龍茶Mousses，仲有白朱古力Mousses去做成。睇落層次係幾分明，面嘅白朱古力Mousse事實上係好滑口，taste good。而甜甜哋嘅時刻，就會食到下一層酸酸地味嘅啫哩軟糖做間場。我試過分開食，幾好味，口腔好醒神。醒一醒後，就會食到淡淡然嘅茶味Mousses，但不算強烈。
而下層仲有軟硬適中嘅蛋糕層（話就話係檸檬海棉蛋糕，但就唔太食得出係檸檬味）。最底層就有好味脆口嘅餅底，旁邊仲有條棉花糖圍邊。
整體而言，味道上可能有太多味，又白朱古力，又茶，又酸酸地啫哩，又檸味蛋糕，所以其實對一般人嚟講，成件蛋糕一口食晒咁多層，會好難分明地食得出咩味打咩味，味道係複雜咗啲啲（但逐層食，相信會較易食到逐層味道嘅分別）。 賣相真係幾靚，除咗墨水分布得好靚之外（再上佢官方IG睇，每次水墨分布都唔同，有多有少，獨一無二），其實朵花都好有心，佢係糖膠花。為免影響present出嚟嘅效果，佢係你去攞，先放朵花上蛋糕度，保證質素，Pro！
不過其實除咗味道複雜咗啲外，都有兩點溫馨提示。第一，Pick up location唔算叫好方便，係要登少少斜路先上到去攞㗎，所以真係去攞蛋糕時，就預多少少時間去，因為要跑上去的話，唔係講笑！
第二，就係上網訂蛋糕嘅過程，有別一般訂蛋糕程序，係冇日子你揀。一嚟就係揀蛋糕，之後就科金。係要自己留日子同聯絡電話，等佢再confirm你。所以我哋訂時都會有少少擔心。所以如果上網訂時已經可以confirm埋日子有冇得訂，萬無一失，咁就真係由訂蛋糕到食蛋糕都好perfect！
————————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #山水畫 #山水畫蛋糕 #水墨 #水墨画 #啱有墨水嘅人 #但冇墨水嘅人都可以食吓補補佢 #西營盤美食 #西營盤
白朱古力烏龍茶蛋糕
$750
166 views
0 likes
1 comments
Post
