Video
Read full review
2024-07-28
4143 views
眨下眼，BB 6個月大啦（時間真係過得飛快）🥹近近地去咗大埔白鷺湖來個輕旅行！白鷺湖互動中心内有兩間餐廳，一間中菜，一間西餐，今次就試下西餐廳Billow 啦 ！Billow嘅建築本身已經非常打卡，外形係一間歐式純白色小屋，充滿歐洲風情！餐廳有室內及室外位置，由於天氣炎熱，所以我哋揀咗坐室內，不過室內環境都好好，環境寬倘，我哋仲幸運地獲安排坐窗邊位置。落地大玻璃可以將白鷺湖及吐露港景色盡收眼底，周不時仲有火車經過，風景超級靚！午市有Lunch Set供應，包田園沙律或餐湯+主菜。我哋各選一樣，沙律菜新鮮爽脆，番茄仔味道爽甜，係清新嘅一道頭盤。餐湯係甘筍湯，味道天然，如果濃稠一D就更好啦。主菜推薦炸比目魚柳漢堡($168)，賣相超級吸引。比目魚柳好厚身，炸至金黃薄脆，內裡肉質嫩滑，配搭他他醬、爽脆嘅生菜及清甜嘅洋蔥絲，簡單好食！薯條即炸，上枱時仲係熱辣辣，唔錯！老公點咗佢至愛嘅All Day Breakfast($178)，有豬肉腸、煙肉、炒蛋、焗大啡菇、薯餅、車厘茄同吐司。每樣食物都調味唔錯，如果材料多樣化D，放滿整個碟，感覺會更豐富。甜品額外點咗Apple Crumble，餐廳幫我哋
Billow嘅建築本身已經非常打卡，外形係一間歐式純白色小屋，充滿歐洲風情！餐廳有室內及室外位置，由於天氣炎熱，所以我哋揀咗坐室內，不過室內環境都好好，環境寬倘，我哋仲幸運地獲安排坐窗邊位置。
落地大玻璃可以將白鷺湖及吐露港景色盡收眼底，周不時仲有火車經過，風景超級靚！
午市有Lunch Set供應，包田園沙律或餐湯+主菜。我哋各選一樣，沙律菜新鮮爽脆，番茄仔味道爽甜，係清新嘅一道頭盤。
餐湯係甘筍湯，味道天然，如果濃稠一D就更好啦。
主菜推薦炸比目魚柳漢堡($168)，賣相超級吸引。比目魚柳好厚身，炸至金黃薄脆，內裡肉質嫩滑，配搭他他醬、爽脆嘅生菜及清甜嘅洋蔥絲，簡單好食！薯條即炸，上枱時仲係熱辣辣，唔錯！
老公點咗佢至愛嘅All Day Breakfast($178)，有豬肉腸、煙肉、炒蛋、焗大啡菇、薯餅、車厘茄同吐司。每樣食物都調味唔錯，如果材料多樣化D，放滿整個碟，感覺會更豐富。
甜品額外點咗Apple Crumble，餐廳幫我哋寫字慶祝，可惜食到甜品環節，BB已經體力透支，呼呼大睡，哈哈！呢個apple crumble同平時食到嘅有D唔同，少佐香脆嘅crumble，取而代之嘅係滿滿嘅蘋果肉粒！蘋果肉酸酸甜甜，充滿肉桂香，不過個人覺得都係有crumble會更有口感呢！
加 $15/$30可加配茶或咖啡，點咗咖啡，因為一邊呷咖啡，一邊飽覽美景，實在太愜意啦！
整體食物質素雖然中規中矩，但呢度嘅環境實在太靚，大人來呢度絕對有度假嘅感覺。而且呢度嘅服務都令我好impressed，店員非常友善，會主動同BB玩，仲特地開咗間房俾我哋幫BB換片，非常感激🥹幫我哋影相都好有耐性，會哄BB望鏡頭，超級nice！食完飯去出面嘅白鷺湖行下，perfect嘅行程！BB玩得好開心！
PS1. 餐廳出面有泊車位，大約有40個位。餐廳消費可以免費泊車。
PS2. 大埔站附近有白鷺湖免費接駁小巴🚌
Post
