Video
Read full review
2008-05-21
82 views
近日的人氣自助餐, 小弟也不執輸試了. 不想同人逼, 就揀了個平日的中午, 果然不算係好多人. 環境係相當之好, 兩個人坐係半圓形的臺, 好舒適.先係一人一杯西瓜汁作歡迎飲品, 鮮甜, 解喝. 跟著再來的係一大籃麵包, 本來吃自助餐係不應該吃甚麼麵包的, 但這籃麵包又真係幾吸引, 熱辣辣, 那個墨魚汁包又幾特別的. 吃完包就開始出動了.這裡的主打係五個日本亭, 不過係不用出去排隊的, 只要坐係位度等吃就得.刺身壽司卷物亭: 8分, 有五個選擇: 三文魚, 吞拿魚, 甜蝦, 油甘魚, 北寄貝. 文迪不吃生野, 就等小弟去吃吧. 最喜歡鮮甜的甜蝦, 其他刺身色澤也對辦, 也始終係即叫即切, 吃也吃得安心點.天婦羅亭: 9分, 有四個選擇: 鮮蝦, 日本冬菇, 長茄子, 日本南瓜. 炸得好靚, 無乜油, 也沒有太多脆漿. 蝦夠新鮮, 吃落口爽甜, 吃完一件不夠候要再追加. 日本南瓜同長茄子都幾好, 吃落口不覺油膩, 以自助餐計, 高水準.鐵板燒亭: 9分, 有四個選擇: 燒鳥, 帶子, 銀鱈魚, 日本冬菇. 可惜沒有牛吃, 鐵板燒最喜歡還是吃牛. 當然, 午市這價位, 也不能太高要求. 當中
先係一人一杯西瓜汁作歡迎飲品, 鮮甜, 解喝. 跟著再來的係一大籃麵包, 本來吃自助餐係不應該吃甚麼麵包的, 但這籃麵包又真係幾吸引, 熱辣辣, 那個墨魚汁包又幾特別的. 吃完包就開始出動了.
這裡的主打係五個日本亭, 不過係不用出去排隊的, 只要坐係位度等吃就得.
刺身壽司卷物亭: 8分, 有五個選擇: 三文魚, 吞拿魚, 甜蝦, 油甘魚, 北寄貝. 文迪不吃生野, 就等小弟去吃吧. 最喜歡鮮甜的甜蝦, 其他刺身色澤也對辦, 也始終係即叫即切, 吃也吃得安心點.
天婦羅亭: 9分, 有四個選擇: 鮮蝦, 日本冬菇, 長茄子, 日本南瓜. 炸得好靚, 無乜油, 也沒有太多脆漿. 蝦夠新鮮, 吃落口爽甜, 吃完一件不夠候要再追加. 日本南瓜同長茄子都幾好, 吃落口不覺油膩, 以自助餐計, 高水準.
鐵板燒亭: 9分, 有四個選擇: 燒鳥, 帶子, 銀鱈魚, 日本冬菇. 可惜沒有牛吃, 鐵板燒最喜歡還是吃牛. 當然, 午市這價位, 也不能太高要求. 當中以銀鱈魚最靚, 嫩滑, 不會腥. 帶子夠鮮味. 雞肉不會太老.
爐端燒亭: 8分, 有五種選擇: 脆香燒雞皮, 免治雞肉, 京蔥牛肉, 鮮蝦, 白菌. 鮮蝦比較令人失望, 下了不少黑胡椒, 但就不太入味, 淡淡的. 其他幾樣就幾惹味的, 雞皮燒得脆脆的, 京蔥牛肉入味, 京蔥好香口.
日式拉麵亭: 7分, 只有一款, 就係日式叉燒拉麵. 麵質幾彈牙的, 但係個湯底無乜特別, 平平淡淡的. 吃日式拉麵最愛吃那件有畫龍點睛作用的叉燒, 但這個叉燒實實的, 麻麻地.
除了五個日本亭, 也吃了不少其他食物.
前菜 / 冷盤: 8分: 有三款小小的精緻前菜. 冷海膽豆腐, 豆腐好滑, 海膽也鮮甜, 忍不住連吃兩客. 蕎麥麵細細碟, 加上芝麻同紫菜, 也幾好. 青瓜蟹肉蟹籽沙律, 配搭清新. 另外也要了牛油果蝦沙律, 蝦大大隻, 夠鮮甜, 面頭加上牛油果, 豐富了口感. 文迪話沙律入面有龍蝦的, 但小弟無緣吃到. 生果來自世界各地, 相當鮮甜, 係吃完又吃的. 三款火腿就不算好靚, 或許晚市的水準係高一點. 兩款生蠔都幾新鮮的, 不過就不太肥美, 細細隻的.
熱盤: 8分, 中西湯也有飲. 番茄湯相當之濃郁, 飲落口係啖啖番茄味. 中湯係鯉魚豬腿木瓜蘿蔔白菌無花果橙皮湯, 材料係相當大堆頭, 係好清甜的, 真的比較小機會係自助餐飲到這個水準的湯. 竟然也有紅酒牛尾, 紅酒汁幾入味的, 不過小弟吃的那一件係骨頭為主, 不過文迪吃的那件好像無這問題. 其他的熱盤就沒有碰了.
甜品: 9分, 甜品選擇也好多. 菠蘿colada, 用上菠蘿, 夠特別的. 杏桃朱古力忌廉, 面頭的朱古力忌廉比較甜, 也掩蓋了底下的杏桃了. 綠茶奶凍, 有層次, 夠滑, 綠茶味幾出, 跟平日吃開的奶凍比係相對淡淡然的. 用上杯盛載的意大你芝士餅幾濃烈的, 有酒香. 仿蛋白的芒果甜品賣相得意. 幾款大蛋糕中, 最喜歡的係熱情果慕斯. 有雪糕吃, 當然要了點, 是日的係朱古力雪糕, 香滑的. 整體來講, 這裡的甜品不會太甜, 份量小小的, 小弟係吃完又吃的.
最後要了杯咖啡, 香濃的.
食物係有相當水準的, 單吃那五個日本亭同埋甜品已經值回票價. 服務態度好好. 這個價位來講, 實在係百分百的超值.
期待下月頌揚的大局, 在此舉行.
Post
