Video
Read full review
2020-02-24
22 views
有人話公司附近新開左間冰室，中午嚟食過 lunch，覺得食物質素唔錯，大份又抵食，所以想同我嚟食晚飯，試下佢嘅小菜。餐廳地方不大，而且佈置亦只是一般茶記格局，但環境唔錯，乾淨企理，燈火通明，加上卡位相當闊落，令人坐得挺舒服。入座後，先拿起餐牌逐一研究，食物款式甚多，除了有各款精美小菜外，還有全日餐、 皇牌焗飯、秘製咖哩、廚師推介飯麵及特飲系列等，選擇不少。我哋揀左兩個晚飯小菜，豉汁蒸黃立倉同日式燒汁茄子牛肉煲，套餐包熱飲、白飯及例湯。是日例湯為冬瓜紅蘿蔔湯，湯身非常熱辣，入口味道清淡而不油膩，用料十足，最重要是飲後未有乾涸之感，肯定無加入味精一起熬制。豉汁蒸黃立倉 ($65)：估唔到條魚咁大條，而且蒸魚的時間拿捏得十分準繩，魚肉挺嫩滑，入口一點也不嚡，味道鮮美，加上豉汁亦落足料，用來佐白飯吃，相當惹味。日式燒汁茄子牛肉煲 ($68)：牛肉煲用料非常豐富，除左牛肉同茄子外，還有冬菇、紫洋蔥和紅椒粒。茄子煮得軟硬適中，食落唔會太腍，幾爽口，而且水分仲好多，加上少少辣椒香蒜，用嚟撈飯吃一流！牛肉非常腍滑，肉質鬆軟唔韌，入口肉味濃郁。 套餐包熱飲，如果想轉凍飲要 +$3、轉特飲就要 +$8。揀
有人話公司附近新開左間冰室，中午嚟食過 lunch，覺得食物質素唔錯，大份又抵食，所以想同我嚟食晚飯，試下佢嘅小菜。
餐廳地方不大，而且佈置亦只是一般茶記格局，但環境唔錯，乾淨企理，燈火通明，加上卡位相當闊落，令人坐得挺舒服。
入座後，先拿起餐牌逐一研究，食物款式甚多，除了有各款精美小菜外，還有全日餐、 皇牌焗飯、秘製咖哩、廚師推介飯麵及特飲系列等，選擇不少。
我哋揀左兩個晚飯小菜，豉汁蒸黃立倉同日式燒汁茄子牛肉煲，套餐包熱飲、白飯及例湯。是日例湯為冬瓜紅蘿蔔湯，湯身非常熱辣，入口味道清淡而不油膩，用料十足，最重要是飲後未有乾涸之感，肯定無加入味精一起熬制。
豉汁蒸黃立倉 ($65)：估唔到條魚咁大條，而且蒸魚的時間拿捏得十分準繩，魚肉挺嫩滑，入口一點也不嚡，味道鮮美，加上豉汁亦落足料，用來佐白飯吃，相當惹味。
日式燒汁茄子牛肉煲 ($68)：牛肉煲用料非常豐富，除左牛肉同茄子外，還有冬菇、紫洋蔥和紅椒粒。茄子煮得軟硬適中，食落唔會太腍，幾爽口，而且水分仲好多，加上少少辣椒香蒜，用嚟撈飯吃一流！牛肉非常腍滑，肉質鬆軟唔韌，入口肉味濃郁。
套餐包熱飲，如果想轉凍飲要 +$3、轉特飲就要 +$8。揀左女士養生桂圓紅棗茶 (+$8) 同台式檸檬冬瓜茶 (+$8)，紅棗茶入口清甜而不膩，滋陰補脾；而冬瓜茶味道亦很不錯，喝起來不但有冬瓜的香甜，而且仲多左檸檬的酸甜滋味，口感更清爽。
Post
