福元湯圓

Open Now

Now Closed

炮台山同天后附近真係無乜糖水舖，福元湯圓雖然本身都有實力，但真係附近真係好似無乜對手啦。星期六夜晚同朋友打完邊爐，過黎食個糖水。十一點左右，都有大概6-8人等緊位，大約等左5分鐘就入得，岩timing 吧。我叫了個桑寄生蓮子蛋茶加湯丸，連埋隻蛋，碗野有四粒野，好澎湃！桑寄生蓮子蛋茶以前係俾人安胎飲，朋友笑我係咪要安胎，咁當然唔係只係呢個用途啦。「茶」的茶香味十足，唔會太甜。蓮子都起沙，完完整整有幾粒，交足貨。湯丸相當大粒，咬開之後，溫熱的d 麻蓉慢慢咁流出來，唔太稀唔太杰。芝麻味很濃郁，勝在個皮唔算太厚，食完火鍋飽左9成，食埋湯丸都仲得。