微辣大排檔 (Closed)

成日經過碌IG見到人哋啲打卡相好靚，食物又吸引，今次終於有機會同朋友嚟食喇。餐廳每個位置嘅裝潢擺設都好有心思，隨便一影都可以呃like懷舊蟹膏蝦多士睇到啲蟹膏蟹子都知正，啖啖鹹香，鮮味十足；蝦多士即叫即炸，外層嘅多士酥脆香口，中間嘅蝦膠扎實彈牙，撈埋啲蟹膏一齊大啖大啖噉食，真係鮮上加鮮。發記大香腸條大香腸原條吊住上，蜜汁好香，唔使點醬都好惹味。咪走雞用個好得意嘅大煲上檯，職員即場倒啲米酒再點火，一路睇表演，一路聞住濃濃嘅米酒香食落雞肉嫩滑，酒味之中又帶有淡淡嘅荷葉香；雞入面釀咗啲雲耳、蔥頭同金針等嘅材料，無論味道定口感都非常豐富。椒絲腐乳通菜食咗咁多肉，梗係要叫返個菜～碟通菜勁大碟，炒得夠鑊氣，好食。