Video
Read full review
2025-02-17
0 views
同班中同相約喺灣仔聚舊，有老馬帶嚟謝斐道呢間「天府人家」試試。估唔到川菜都可以食得咁精緻，仲送埋甜品，我哋由頭笑到尾食到lamlam脷！🐟 酸菜桂花魚 - 阿姐端上枱大大盤！片片魚肉滑到似溜冰，酸菜湯底酸得啱啱好，撈飯真係可以食兩碗（減肥？聽日先算啦）😅🤭🌶️ 酸辣三鮮～今日MVP - 辣汁分開上超貼心！海鮮新鮮到似朝早先撈，最正係果啲厥根粉，第一次食，咬落"嗦嗦聲"爽口過橡筋，全晚俾佢搶曬鏡！🎃 黃金酥炸南瓜 - 咬開脆皮「咔嚓」一聲，南瓜件勁香甜！個口感似炸生蠔，但冇油味，邪惡得嚟好有滿足感！一件起兩件好收手啦！🍜 廚神酸湯麵塊 - 師傅自創加咗蛋白秘方！啲麵闊過刀削麵但更彈牙，酸湯飲到尾都唔口渴，幾飽都隊晒成碗！🫣😅仲有好多嘢食：鍋塌豆腐、鮑魚炆雞煲、上湯魚腐浸勝瓜、酥炸銀魚仔、涼拌雲耳拍青瓜……真係食得盡興！🍧 甜品三連擊：• 綠荳沙綿到似食緊雲咁，真係唔係講笑！（仲要係免費🥰🤭！）• 紅糖糍粑自己淋糖漿，仲加咗啲果仁，脆皮軟糯控必試！• 玫瑰糕清香解膩，女仔們秒速清碟！我地六個女人食到捧住個肚先$3XX位，仲傾到老闆娘嚟催收工🤣 呢度環境舒適，開間房啱曬吹水，侍應仲好親切好好笑
同班中同相約喺灣仔聚舊，有老馬帶嚟謝斐道呢間「天府人家」試試。估唔到川菜都可以食得咁精緻，仲送埋甜品，我哋由頭笑到尾食到lamlam脷！
🐟 酸菜桂花魚 - 阿姐端上枱大大盤！片片魚肉滑到似溜冰，酸菜湯底酸得啱啱好，撈飯真係可以食兩碗（減肥？聽日先算啦）😅🤭
🌶️ 酸辣三鮮～今日MVP - 辣汁分開上超貼心！海鮮新鮮到似朝早先撈，最正係果啲厥根粉，第一次食，咬落"嗦嗦聲"爽口過橡筋，全晚俾佢搶曬鏡！
🎃 黃金酥炸南瓜 - 咬開脆皮「咔嚓」一聲，南瓜件勁香甜！個口感似炸生蠔，但冇油味，邪惡得嚟好有滿足感！一件起兩件好收手啦！
🍜 廚神酸湯麵塊 - 師傅自創加咗蛋白秘方！啲麵闊過刀削麵但更彈牙，酸湯飲到尾都唔口渴，幾飽都隊晒成碗！🫣😅
仲有好多嘢食：鍋塌豆腐、鮑魚炆雞煲、上湯魚腐浸勝瓜、酥炸銀魚仔、涼拌雲耳拍青瓜……真係食得盡興！
🍧 甜品三連擊：
• 綠荳沙綿到似食緊雲咁，真係唔係講笑！（仲要係免費🥰🤭！）
• 紅糖糍粑自己淋糖漿，仲加咗啲果仁，脆皮軟糯控必試！
• 玫瑰糕清香解膩，女仔們秒速清碟！
我地六個女人食到捧住個肚先$3XX位，仲傾到老闆娘嚟催收工🤣 呢度環境舒適，開間房啱曬吹水，侍應仲好親切好好笑容。下次gathering絕對要encore！
Post
