蜀大俠 (Closed)

麻辣火鍋食唔少，呢間應該系目前為止食過最正宗的四川麻辣火鍋。一入去餐廳裡面，就聞到香氣四溢的火鍋味，齋聞已經覺得好地道。今次試咗中辣的紅白鴛鴦鍋，鍋一擺上餐台，麻辣香已經撲面而來。配料：陳醋，蠔油，豉油，罐裝麻油（四川人食火鍋用很多麻油在調味料碗內，類似「 過冷河」 的功效，系用來降溫）、蒜蓉、蔥粒、芫荽粒。呢幾樣先至系地道四川火鍋的配料。叫咗花千骨（肉質嫩滑，嫩骨有咬口）、麻辣牛肉（醃得幾好味，份量一般偏細）、土豆寬粉（好正，又追加一碟）， 午餐肉、蔬菜拼盤（份量實在唔多，追加一碟皇帝菜也是太少份量），腐皮。四川火鍋當然是少不了麻辣鮮香，整體來講，鍋底絕對系無得彈，麻辣比例調得非常好，濃郁得來不會太漏。試過很多所謂麻辣火鍋，一系齋辣死辣但完全唔麻，一系聞起來好香食落去無味，一系鍋底太咸，一系太多味精。唯一不足的，系份量實在太細。對於鐘情川菜、火鍋的朋友，呢間絕對值得一試。