Video
Read full review
2010-08-11
43 views
上星期某天師傅同師妹一同晚飯, 身處旺角但又諗唔到食咩好, 師傅忽然問一問師妹有冇試過西門丁? 師妹話從未試過, 於是師傅就話去呢間食晚飯醫肚, 不過有一個附帶條件就係要唔多人! 去到食店, 細看之下發現都幾爆, 呢間食店出晒名地方淺窄, 加上師傅有番咁上下身位, 於是即閃!由於師傅已經餓到不堪, 加上其時已經係晚上九點幾, 咁啱見到呢間食店又好耐都冇黎過, 於是便搵呢間食店作為晚餐; 入到去食店, 雖然九點幾, 但都依然幾多人, 可幸就是唔使等位! 師傅一坐底就望住枱面張餐單, 而好肯定師傅個樣一定好似d外母見女婿咁樣, 口水係咁流, 又話要食這樣, 那樣, 呢樣, 嗰樣咁, 真係成隻餓狗咁! 最後諗得清清楚楚後, 師傅就決定柯打娘惹咖哩牛肉飯, 而師妹就事先聲明要沙爹牛肉湯粉絲, 於是再同師妹商量後柯打多三款小食, 分別係芝焗一口貝, 鮮茄芝士焗餃子同埋炸蝦餅! 飲品師傅就揀左青蘋果綠茶, 至於師妹呢? 師傅已經唔記得了, 事關佢飲咩對師傅已經唔重要了!食物真係唔使等好耐, 當然最先到嘅梗係師傅嘅娘惹咖哩牛肉飯, 二話不說即刻開餐,娘惹唔娘惹呢? 師傅就唔多清楚, 皆因師傅甚少吃南
由於師傅已經餓到不堪, 加上其時已經係晚上九點幾, 咁啱見到呢間食店又好耐都冇黎過, 於是便搵呢間食店作為晚餐; 入到去食店, 雖然九點幾, 但都依然幾多人, 可幸就是唔使等位! 師傅一坐底就望住枱面張餐單, 而好肯定師傅個樣一定好似d外母見女婿咁樣, 口水係咁流, 又話要食這樣, 那樣, 呢樣, 嗰樣咁, 真係成隻餓狗咁!
最後諗得清清楚楚後, 師傅就決定柯打娘惹咖哩牛肉飯, 而師妹就事先聲明要沙爹牛肉湯粉絲, 於是再同師妹商量後柯打多三款小食, 分別係芝焗一口貝, 鮮茄芝士焗餃子同埋炸蝦餅! 飲品師傅就揀左青蘋果綠茶, 至於師妹呢? 師傅已經唔記得了, 事關佢飲咩對師傅已經唔重要了!
食物真係唔使等好耐, 當然最先到嘅梗係師傅嘅娘惹咖哩牛肉飯, 二話不說即刻開餐,娘惹唔娘惹呢? 師傅就唔多清楚, 皆因師傅甚少吃南洋菜, 所以師傅亦不敢莽下判斷, 純粹當咖哩牛肉飯講會好少少, 咖哩味唔算香, 入口唔辣, 可幸尚有少少椰香, 而汁底亦不太杰不太稀, 配白飯亦算不錯; 而牛肉薄薄的, 十分鬆身, 整份咖哩牛肉飯都算合格! 師傅亦有幸試到少少沙爹牛肉湯粉絲, 仲要係頭啖湯添, 真的多謝師妹割愛; 師傅輕輕後湯面上取了一匙沙爹湯, 發覺沙爹湯底十分香濃, 入口甚為惹味, 再試粉絲亦甚為煙韌, 加上吸收到沙爹湯底, 所以入粉絲亦十分美味; 但係師妹食到一半竟然要攞鹽, 間接証明沙爹湯係虛有其表, 表裡不一, 下次試食一定要食夠半先好下定論呀!
而小食芝焗一口貝一碟有八大隻, 真係八大隻, 殼呀嘛, 如果冇帶眼鏡, 嗰粒貝隨時細到你睇唔到; 一口貝真係一口都冇, 好似師傅咁大個口, 一次放晒八隻入口都仲有大把位呀; 最重要係肉身唔鮮甜, 當然幾草野亦不能寄望太高, 失望在於食唔到有芝士味, 反而好濃烈嘅奶味比芝士還要多, 如果叫奶焗一口貝師傅會覺得更加貼切; 鮮茄芝士焗餃子一碟約有六件, 鮮茄芝士焗餃子嘅芝士味甚重, 所以幾香, 加上鮮茄亦十分新鮮, 撈埋一齊就份外鮮味同香濃, 就算餃子餡料再差亦一樣好吃; 不過餃子水準亦不賴, 十分乾身, 餡料裡洋蔥味甚重, 十分惹味, 就連師傅唔食洋蔥亦覺不錯, 呢度菜值得一試; 最後炸蝦餅就比較油, 入口頗爽口, 整體亦算普普通通, 接受到! 而青蘋果綠茶冇大驚喜, 純粹想飲, 不值一提!
總括黎講食物質素尚可, 環境普通, 服務態度一般 , 價錢都接受到, 兩個人食五樣野, 兩杯飲品, 埋單二百一, 平均每一樣都係三十蚊, 算得上抵食! 呢間餐廳有主題架, 海盜餐廳, 頂癮哩? 師傅如果化行妝扮晒海盜咁黎應該會開心好多添, 以主題餐廳黎講一佢嘅價錢都算相宜喇; 笑臉暫時比唔到喇, 不過有機會都可以再黎, 至少冇驚喜所以亦冇失望!
Post
