南瀛水產

為慶祝朋友生日我地黎到呢間南瀛水產裝修方面已經好啱心水勁多打卡位仲有一個大型魚缸所點嘅海產類包保新鮮打開餐牌，每樣嘢都好吸引我地嗌左個活貝盛合，黎到D鮑魚都仲郁緊，證明係新鮮打撈，絕對唔係雪藏品。生蠔，扇貝等亦非常鮮甜可口。熟食方面，我地點左個蚧味噌甲羅燒，食落去一啲腥味都無，朋友都食到讚口不絕。其他食物如流心芝士玉子燒，什錦天婦羅盛合，深海池魚，味醂魚乾及雲丹蚧肉卷都好有水準。呢次係我第一次黎到呢間餐廳，雖然食物質素高，裝修環境別緻，但價格合理，性價比黎講都算高。我會再幫襯的，亦會推介俾其他朋友。大家如果想揾海產類餐廳的話，都不妨試下呢間<南瀛水產>吖。