相馬日式火鍋 (Closed)

之前去過相馬既其他分店，今日黎到西環既呢間，環境同樣好好，簡單裝修但坐得好舒服，兩個鐘既放題夠晒時間食。湯底🍲我地今次簡佐清湯，簡簡單單，但都唔差，湯底都有淡淡清香，有啲海帶係底，所以味道係清香既，清淡得黎都已經好足夠。肉類🐮🐷🐔依度提供嘅肉類都係一啲靚嘅肉，有美國嘅特選牛肩胛，亦都有優質嘅豚肉同埋雞髀肉，雞髀肉都係好新鮮，淥完出嚟都好嫩滑，配合清湯就非常之健康，啱晒啲又想打邊爐又要減肥嘅人去食。海鮮🐙🦑🦐🦞🦀🐟呢度嘅海鮮都係任食嘅，仲有好多唔同嘅款，全部都好新鮮，有青口帶子生蠔海蝦東風螺，全部都好鮮味，淥完黎食成個湯都係充滿海鮮嘅鮮味。炸物🍤🍢🥟炸物同樣係任食，仲要即叫即整，夠晒新鮮，燒雞軟骨燒雞肉呢啲全部都好好食，雞翼亦都燒得好脆好入味，款式都夠多，一定要試。