陶館

Open Now

Now Closed

由中環行過黎想搵下野食, 行行下見到呢度好多人等外賣, 就過黎睇下。 原來都有堂食, 仲好多款下。 日式, 西式, 意式都有, 其中吸引我既係黑咖哩。記得以前係日本見過。 係, 真係好耐以前啦, 所以好奇就入去試下。 堂食地方好細, 但都ok好坐。 睇到牆上既粉筆畫, 嘩, 真係畫得好靚。 老闆好利害。 我叫左炸豬柳黑咖哩飯。 由於即炸既關係, 所以心急人就要留意啦。 差唔多15分鐘先有得食。好香wor, 件豬柳好大塊, 炸得好靚。 而且冇肥膏, 炸粉唔厚, 炸得好均勻。 個黑咖哩都好抵讚, 小小甜, 好香。 真係好日式。 而且份量好足。 食緊時唔係好覺, 因為好好味, 會不自覺食晒, 然後就好飽咁離開。 今次真係有驚喜, 冇諗到咁有水準既黑咖哩竟然可以搵到。 真係好開心。